愛回家｜CPU有望「脫毒」與Gigi有感情線 譚坤倫瘋狂谷肌 感激同劇前輩鼓勵

TVB處境劇《愛回家之開心速遞》中劇情不時有新搞作，更會給予副線演員擔正做主角的機會。接龍IT三子之一CPU（譚坤倫、Alan飾）在較早前一集（3月31日）已有重戲份，當時該集是用CPU與Gigi（羅雪妍飾）的一個對望作為收尾，原來已為兩人的感情線埋下伏線！從今個星期日的預告所見，以CPU與Gigi做軸心的一集將會播出，CPU本人都表示非常期待！

同場加映：有線一哥丨李尚正女友積極抗癌令人生轉念 身心健康最重要：唔打算離巢

{{hket:ul-video id="8578"}}{{/hket:ul-video}}

愛回家｜CPU譚坤倫為拍劇22日斷食極速減10KG 呂慧儀大讚：佢好認真對待呢場戲【下一頁】

{{hket:inline-image name="83d388d4-3908-4274-ab22-78dfbaa058a1.jpg"}}{{/hket:inline-image}}

Alan接受《晴報》訪問，指自己一直都好期待有感情線，「上次拍完嗰集其實都未肯定會唔會寫落去，之後等到劇本出就肯定咗。雖然隔得耐少少，同埋始終播完出街再睇反應，之後再構思劇本到拍攝剪接完，需要時間都好長，所以我都明白嘅。」他又指自己一直都有留意網上的留言，更發覺間唔中都有網民留意他與Gigi的感情線，令他非常開心：「佢哋話：『Gigi同埋腹肌男條線有啲火花，點解又唔寫？』」

Alan預告除了星期日一集外，之後更會拍多一集，延續與Gigi的感情線，「我發覺IT部毒男嘅劇情通常都寫得好好，所以可能咁樣需時耐少少，哈哈！最緊要出到嚟好笑！」而提到3月一集，Alan用了22日減咗23磅（約10公斤），他亦指自己而家需要再減磅，「不過今次嘅方法就唔係上次咁極端，準備嘅時間更加少！所以我諗嚟緊我都要長年累月咁樣盡量保持低體脂狀態，所以要選擇用一個健康啲嘅方式去進行，如果唔係嘅話肌肉會縮水，個人亦都會好疲累。」

愛回家｜譚坤倫演CPU四年常被認錯角色名 做劇組「歡樂擔當」：開頭驚自己無喜感【下一頁】

Alan直言CPU呢個角色唔易做，「因為最辛苦係其實我好鍾意食嘢，而且食落就唔會識停。每一餐飯都要控制得好，又要食得夠，唔可以食得爆卡路里，運動量亦要多，而家我每日都舉重加上帶氧運動，然後三日訓練就有一日休息。」

{{hket:inline-image name="32918972-a9c8-4984-9021-144c4ef776f8.jpg"}}{{/hket:inline-image}}

{{hket:inline-image name="7df0ca7d-f89d-4886-bcfa-8e4e8190c73f.jpg"}}{{/hket:inline-image}}

提到今次拍檔羅雪妍，Alan就大讚這個對手非常好，「當時拍攝呢一集之前，我同羅雪妍都好忙，嗰陣時佢成日喺邵氏拍《NEWS新聞女王》，所以我只可以趁佢返工前用電話FaceTime對戲。」他續說：「佢其實都表現得好好，好多細節嘅位置佢都做到出嚟，亦都有好多層次變化。同埋有時拍攝時間比較緊迫，好多時回放都冇得睇，咁樣就唔係太知道自己做成點，咁嘅情況下，如果對方得閒都會自動幫手拍低，然後畀大家睇吓有乜嘢要改善。」加入《愛回家》4年半，Alan因工作認識了不少同事，他亦很開心能夠加入這個大家庭。他又指很多前輩會鼓勵他，令他非常窩心，「我發覺好多《開心速遞》嘅演員都戥我開心，曾經都有啲前輩同我講覺得我好ready，係爭啲機會，所以佢哋好期待，亦都令我有啲壓力嘅！不過見到佢哋咁支持，我的確好開心！」

他笑言對上一次有感情線已是在2018年劇集《天命》中，跟唐詩詠飾演的豆蔻是一對青梅竹馬，一直單戀對方；事隔5年直至在《愛回家之開心速遞》才再有感情線的戲份。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組