譚耀文16歲大仔好魁梧氣質紳士 為子女自豪：知我啲錢去咗邊啦

譚耀文2003年與經營美容院的圈外女友Fiona結婚，婚後育有一子一女，大囝譚皓哲（Daniel）現時16歲，而囡囡譚津如（Tamia）現時12歲。日前阿譚分享囝囝到英國交流嘅相片，字裏行間流露滿滿嘅父愛，非常溫馨。

同場加映： 

全民造星V丨Nathan女友離世認曾考慮過退賽 王鋒跟阿澤反目糾紛仍需時間解決

{{hket:ul-video id="8595"}}{{/hket:ul-video}}

日前譚耀文於Instagram透露Daniel得到領導獎，被選中到倫敦交流，爸爸驕傲發文：「好開心你憑着努力得到今屆Leadership，再被選中成為一行十人的團隊成員之一，遠赴倫敦與當地學生老師交流！Well done！」相中見到Daniel着上西裝，斯斯文文甚有英倫紳士氣質，仲似足爸爸後生時咁有型，身形就比爸爸魁梧，而外貌就神複製媽媽。

{{hket:inline-image name="d2be9ce96a1302435cc86c1e3fae6465.jpg"}}{{/hket:inline-image}}

譚耀文一對仔女遺傳了爸爸藝術天分，自小學大提琴，其中Daniel成績優秀，曾獲得全級優異生第二名。而囡囡Tamia早前參加學校陸運會，連奪三金，老竇當時興奮分享：「Tamia 一日奪三金，分別係個人800、400、100；我有理由懷疑佢將來可能成為女飛人，我仍難置信 #到底發生了甚麼事 Love you！」手長腳長嘅Tamia跑得有姿勢有實際，長得亭亭玉立非常有星味，有網民留言大讚Tamia靚女似足爸爸，又一位潛力星二代！

教子有方嘅譚耀文多次喺網上表達自己嘅愛子之情，亦不吝嗇讚賞自己嘅小朋友，例如分享囡囡表演大提琴嘅相片，說：「畢業典禮惟有在網上看直播，今年妹妹Tamia音樂成績理想，所以獲得在台上表演獨奏的機會。真係為你感到非常驕傲 & You should give a big hug to yr great mom！」不忘多謝老婆功勞，真係一個全方位Family man！阿譚用心大家都見，佢仲講笑話自己用晒啲錢去栽培小朋友，留言：「哥哥有啲智慧，妹妹人如其名，甜美啊Tamia！兩個都大成咁就知我啲$去咗邊啦！祝你倆健康開心，記得孝順你阿媽！」

撰文︰娛樂組

圖片來源：Instagram