黃劍文無辜遭冒充情騙女粉絲呃錢 涉5位數字 本尊被追還錢報警求助

歌手黃劍文熱愛音樂，先後參加過《2013快樂男聲》、《中國好聲音》、ViuTV主辦的《全民造星III》及TVB主辦的《中年好聲音2》，暫時未知是否能夠晉身《中年好聲音2》的100強，他依然繼續著音樂夢，推出新歌 《餞別酒》；忙於宣傳新歌的他竟然遇上麻煩，突然遭一名忠實女歌迷追債，令他感到莫名其妙。

同場加映：

有線一哥丨李尚正女友積極抗癌令人生轉念 身心健康最重要：唔打算離巢
 

中年好聲音丨屯門娜娜再現海選排隊再接再厲？ 52歲顏仟汶39歲黃劍文報名參賽【內附周吉佩十招教路】【下一頁】

黃劍文接受《晴報》電話訪問，他表示：「3月中有位Fans喺我網上貼文不斷留言叫我還錢，我就覺得好奇怪，其實我一向有留意大家啲留言，佢以往大多數都係表達支持我，有時會留言話：『Miss U』（掛住你），我冇覆過佢。有一晚佢不斷留言叫我還錢，咁經理人JoJo就主動聯絡佢了解，希望溝通同處理成件事，直至經理人話要報警處理，佢就話唔想，然後刪走晒叫我還錢嘅留言。」

{{hket:inline-image name="352621160_976549643795065_4367173641424252680_n.jpg"}}{{/hket:inline-image}}

當黃劍文以為事件告一段落，沒想到日前，經理人JoJo收到陌生來電，原來是同一位女Fans向JoJo問劍文還錢，後者稱︰「呢幾日佢又出現又講還錢，直接打畀我經理人，又強調同佢對話嗰個係我。JoJo要求對方提供對話Cap圖，見到頭像真係我個樣，而且係用我平時用開嘅頭像，仲用埋Kimman Wong呢個名。」他表示經理人了解事件後，認為是情騙，事關「假黃劍文」與受害人溝通是用「老公」、「老婆」相稱，而「假黃劍文」多次向受害人要錢購買虛擬貨幣，他續言：「以我所知呢位女士付出咗4至5萬畀『假黃劍文』，仲聲稱每個月幫我畀電話費，根本冇可能，電話費我一直自己交！」

{{hket:inline-image name="133333293_762968690967375_1142123395735112639_n.jpg"}}{{/hket:inline-image}}

人間飄浮︳黃劍文一步之念 險隨母親做傻事 學懂珍惜：愛真係要講出口【下一頁】

黃劍文表示事件已經報警備案，他在IG亦有公開提到此事，「呢件事好嚴重，因為嗰個人被呃嘅唔止錢，仲有呃感情，希望大家唔好受騙。頭像呢啲真係隨便可以Download落嚟，聽講個Fans仲話『假黃劍文』整咗條片送畀佢添！其實係將我哋兩個人嘅相合成，好容易做到！總之如果黃劍文問你借錢，千祈唔好借畀佢，因為我本人冇需要問人借錢。」

他表示，相信受騙的不止是他的歌迷，希望公開事件提醒大眾注意。「大家搵錢好辛苦，聽到歌迷被呃，個心都好唔舒服，而且我唔鍾意被人屈，冇啦啦被人用我頭像損害我名譽，我冇做過點解要咁呢？其實冇啦啦叫你買虛擬貨幣都奇怪啦！如果遇到奇怪事，就問清楚當事人，唔好立亂畀錢人！」而黃劍文的經理人JoJo透露受害人仍然不肯相信自己墮入情騙陷阱，堅信「假黃劍文」是真身向她借錢，過程中，受害人形容兩人是情侶拍拖關係，卻從來未見過真人。JoJo指報案時，警方稱有不少相類近的案件，希望歌迷支持偶像的同時，不要讓騙徒有機可乘。
 

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組