《新四十二章》敖螢峰｜《愛回家》CPU為拍劇斷食極速減肥 譚坤倫榮幸與陳豪做對手：感受到佢嘅投入

譚坤倫（Alan）在2011年參加無綫綜藝節目《功夫新星》入行，近幾年憑在《愛·回家之開心速遞》飾演IT三子之一的施彼余（CPU）而為人認識。最近他亦有份參演《新四十二章》，演陳豪故友及龔嘉欣的哥哥「敖螢峰」，不過角色原來一早已去世，只在回憶中閃現。

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

Alan除了做演員之外，亦有兼任健身教練。早前趁新年回鄉探親的他因放肆飲飲食食而發福不少，「新年難得與家人相聚，吃吃喝喝少不了，打邊爐、燒烤、酸菜魚、新疆炒米粉，夜夜外賣，飲了一年份量酒、奶茶(因為平時真係好少飲)，呢幾日望一望個肚腩又大咗。」

{{hket:inline-image name="97239472_1400366503498794_4631543815838911372_n.jpg"}}{{/hket:inline-image}}

本身諗住慢慢減肥的他就接到了「除衫通告」，不過仍有腳傷在身的他未能跑步。Alan今次只有三星期的時間，他選擇以斷食及做運動減肥，「人體實驗正式開始！」

{{hket:inline-image name="328802485_217088850701927_5117885333563011981_n.jpg"}}{{/hket:inline-image}}

在Alan斷食51小時後，他在社交網報告近況，「今日係斷食第二日，瞓醒有少少肚餓同反胃，飲啲水就可以解決到。啱啱做完gym，都飲咗啲鹽水。」

{{hket:inline-image name="alan3.jpg"}}{{/hket:inline-image}}

Alan接受《晴報》訪問，表示自己要極速減肥的原因是因為即將要拍劇。「斷食會持續五日，暫時唔會太辛苦，因為前十幾日都有持續16小時甚至18小時嘅斷食，所以都有逐步鋪排，之前亦都將卡路里攝取降至700卡路里每一日。」

他表示斷食嘅過程係有些少反胃及肚餓，笑言：「三日斷食入面，有兩日瞓覺發夢都係食緊嘢！」他指自己2月3號晚收到通告當時體重78kg，現在已成功減去5.7kg，「依然未足夠，目標希望係總共12 kg去到66 kg，所以最後五日就實行斷食法，順便可以清理一下身體嘅發炎細胞。」

另外，Alan直言今次是減肥最辛苦的一次：「因為時間太少嘅關係，我每日嘅飲食就係得八條雞柳一碗飯，其餘就係菜。斷食對我來講都幾辛苦，係思想嗰種辛苦，因為其實我一個好為食嘅人，我已經不斷喺度籌備緊斷食之後嘅飲食應該點樣慢慢回復返飲食，因為唔可以一下子太急速，腸胃休息得太耐突然間食澱粉質或者牛扒，佢會頂唔順反胃甚至肚痾，需要慢慢循序漸進用幾日嘅時間去回復飲食。」

而問到Alan之前為何腳受傷，他就指是因為之前歡樂滿東華綵排嘅時候受傷，「係一個畀人撻低嘅動作，導致到右邊膝頭哥內側韌帶撕裂，當時正式表演前正常行路都有問題，都係格硬頂硬上，最後好彩都完成表演。」

幸好現在他恢復情況良好，「而家腳傷好好多嘅，之前係會感覺到鬆脫。而家企喺度屈曲之後感覺到佢冇乜力好快會下墜，然後屈曲嘅過程中好似有啲撠住撠住，可能係條韌帶腫脹咗，屈曲嘅過程會有少少卡住卡住。」他又指當時已報工傷，現在亦有睇物理治療，「工作方面如果要拍打戲嘅話就會包紮住，之前試過有一場戲就係要打嘅，因為連咗戲關係一定要拍落去，所以劇組幫我安排咗替身，但係到最後其實都係自己做足8成，好彩成個過程都就住我去設計，所以冇乜大礙。」真係好敬業呀！

而在《新四十二章》中，他飾演陳豪故友及龔嘉欣的哥哥「敖螢峰」，雖然角色只在回憶中閃現，戲份不多，但對於Alan來就亦是獲益良多。他表示：「雖然今次戲份唔係太多，但係都非常深刻，每一個唔同嘅回憶都要去唔同嘅外景，雖然只係閃現一兩秒，但係都去咗十幾個唔同嘅地方拍攝，另外可以同陳豪做對手，非常榮幸。感受到對方嗰種投入，亦都會感染同帶動到我。」

《愛回家》CPU｜譚坤倫愛犬走失14小時險撞車 通宵「洗樓」行山 戲劇性尋回小雲【下一頁】

圖片來源：受訪者提供、IG圖片

撰文：林惠珊