愛回家｜CPU譚坤倫為拍劇22日斷食極速減10KG 呂慧儀大讚：佢好認真對待呢場戲

TVB處境劇《愛·回家之開心速遞》昨晚一集中，接龍IT三子之一CPU（譚坤倫Alan飾）首次有重戲份，Alan更為劇集斷食極速減肥，用三星期的時間將一嚿腹肌變成六嚿腹肌！而前輩呂慧儀更有在IG大讚Alan好認真對待角色，更著對方一齊加油！

同場加映：中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

呂慧儀在IG po出與Alan合照，以及後者的腹肌圖，「佢係CPU, 佢好犀利啊！由收到劇本到拍攝才個多星期，斷食減肥將一嚿變成六嚿腹肌！記得處境劇女王家燕姐講過，拍處境劇，為趕進度咩都要快，喊戲都要喊快啲。是真的！換衫要快，埋位要快，入戲要快，有時仲要挑戰人體極限，減肥增磅都要快過人！」

{{hket:inline-image name="338730356_896029955130245_6820242182132140811_n.jpg"}}{{/hket:inline-image}}

愛回家｜譚坤倫演CPU四年常被認錯角色名 做劇組「歡樂擔當」：開頭驚自己無喜感【下一頁】

她又指Alan是乖仔一名，認真對待角色，「呢個乖仔真係好認真對待呢場戲，雖然只係短短一幕，也有旁人叫他靠化妝畫畫就算，他就堅持努力忍口咗個幾星期，期間我哋喺度食飯，佢就望住我哋食飯，但係完全冇俾我哋分散注意力，繼續專注減磅！」她續說：「最欣賞專注做自己的事，不會被人左右，分散注意力的人！我也一直在處境劇中訓練，一起加油啊坤倫！」

Alan接受《晴報》訪問，表示受到前輩讚賞非常驚喜，「好驚喜佢出post讚我！」Alan為了劇集，用了22日減咗23磅（約10KG），相當犀利，「當然有10磅係完全斷食造成，所以復食飯之後好快就返番嚟。」但他表示自己仍未滿意自己的身形，「始終未去到自己最理想嘅目標，如果多啲時間減多10磅就最好！」

{{hket:inline-image name="5_600.jpeg"}}{{/hket:inline-image}}

《新四十二章》敖螢峰｜《愛回家》CPU為拍劇斷食極速減肥 譚坤倫榮幸與陳豪做對手：感受到佢嘅投入【下一頁】

撰文：娛樂組