The Do Show開台丨鄭裕玲愛小鮮肉周潤發生醋意 「我離開咗你就移情別戀」

鄭裕玲（Do姐）早前在IG出post，指自己會以YouTuber身分，主持自己的YouTube Channel節目《The Do Show》，還透露重量級巨星周潤發將擔任首集嘉賓。該節目今日終於開台，播出發哥的訪問，席間，發哥對這位「女朋友」呷大醋，搞到Do姐只能尷尬大笑！

同場加映：陳慧琳爆兒子最愛看周星馳電影 自薦飾演《少林女足》退休教練

{{hket:ul-video id="8545"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="12.JPG"}}{{/hket:inline-image}}

一開首，Do姐已經呻發哥難邀請，「我好慘呀，我請咗你好耐同我做訪問，上嚟我個電台節目，又囈又篩，你都唔騷我。」發哥轉數勁快，他回Do姐：「咪等呢個節目囉！」Do姐笑說：「吖，你咁奸狡㗎！」

為了訪問發哥，Do姐表示曾想過加入發哥的跑步團，但據知情人士透露，原來想入到跑步團的核心範圍並不容易，發哥解釋：「唔係，我哋好早已經喺天光道朝朝跑，《網中人》嗰陣時，你嗰套白色，我嗰套白色...」Do姐說：「嗰啲拍戲啫！」發哥續說：「跑完，我哋就去靠背壟道飲豆漿......我哋跑步都有啲淵源，其實喺7幾年開始。」發哥表示跑完後最重要是吃東西醫肚，而跑步和攝影是最能令他開心的興趣。

轉型做YouTuber｜Do姐開新節目邀發哥做首集嘉賓 昔日CP激罕合體嘴對嘴錫錫【下一頁】

Do姐透露訪問前有回看發哥過去的資料，坦言很為這位昔日熒幕拍檔感到自豪，發哥謙虛地說：「我power of你呀！」發哥又即場講出與Do姐在《網中人》和《親情》合演情侶時的角色名，之後更以《我愛扭紋柴》中的圍頭話說：「我哋仲有《八星報喜》，呢個女子，佢就不得了㗎喎，又醒目，演技又好。我呢個女朋友冇得頂，我係好鍾意佢，但係呢，死唔死，我離開咗你，你就移情別戀，鍾意子華神呀，後尾鍾意個農夫，家下鍾意小鮮肉！」Do姐不停尷尬笑，反指發哥身邊有好多靚女，發哥說：「嗰啲過眼雲煙！」

提到當年拍攝《網中人》，Do姐指發哥已經用方法演技，在銀包內放了一張與Do姐的合照，發哥口甜舌滑說：「我日日都對住你㗎，（在Do姐耳邊輕輕的說）我掛你掛多過我老婆。」嚇得Do姐即說：「唔好講啲咁嘅嘢！」發哥補充：「喺戲入面呀！我記得嗰場戲，喺銅鑼灣法院，我判咗入獄，你喺街度，我喺囚車，我喊到唔識得收聲，個女朋友為我仆心仆命，死唔死？仲有大碧姐（鄧碧雲），我阿媽又好，你又好，我真係好唔捨得你。」說罷即錫Do姐耳仔，Do姐冧爆：「你真係𠱁死人，想鬧你都唔得，好在我寫低要問你乜嘢。」

周潤發首次挑戰渣馬10公里賽事 勁親民樂與跑手們自拍合照：我嬉戲啫【下一頁】

{{hket:inline-image name="54.JPG"}}{{/hket:inline-image}}

{{hket:inline-image name="55.JPG"}}{{/hket:inline-image}}

期間，發哥親自揸機與Do姐自拍，拍完後他表示很欣賞Do姐與時並進，Do姐就表示：「你更加貼地啦，更加親民，發哥！」發哥接著說：「呢啲係我生活一部分，唔關乎你有幾多錢，地位有幾高，香港係彈丸之地，有幾大？我未跑街之前，我去跑山，去晒好多名山，除咗一個青山，我仲未入之外。」發哥透露打算明年跑半馬，亦希望80歲時跑全馬。

{{hket:inline-image name="20230213JLA008__20230213_L.jpg"}}{{/hket:inline-image}}

在電影《別叫我賭神》中，飾演發哥的柯煒林及後加入訪問，他坦言很想看到發哥和Do姐再合作，發哥說：「我都想，試吓搵啲製片人、編劇寫啲劇本畀我哋，再續未了緣！祝你身體健康、永遠青春美麗、得閒就錫吓我喇！」Do姐立即走向發哥身旁，吻了發哥面頰。柯煒林見狀即笑說：「我好似做咗電燈膽。」發哥聞後即作狀踢走柯煒林，場面搞笑！

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】