延遲一年舉行的渣打馬拉松今日舉行，身為跑步達人的周潤發，繼去年尾參加香港越野錦標賽，今日再參加馬拉松10公里賽事。一身招牌全黑打扮的發哥，笑言今次純粹嬉戲，留前鬥後的他，以1小時3分58秒衝線，期間引來不少跑手要求合照，發哥都來者不拒，十分親民。
同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」
一眾熱愛跑步的圈中藝人包括周潤發、蔡思貝、梁諾妍、余德丞、梁釗峰、陳安立、陳健安、吳保錡及張蔓姿等亦有參賽，今早約7時，發哥未有著上大會的深綠色Tee，繼續穿上他的招牌全黑造型，加上高大的身材，在人群中顯而易見，即成為跑手們的「集郵」對象，發哥受訪時表示時間比上次快了些少，問他是否滿意成績？他稱：「我嬉戲嘅啫，近年鍾意咗跑步。（來年再參加？）10K已經好盡 。」發哥直言跟教練練跑已經年多，上次是參加越野錦標賽，但他笑稱：「街好玩啲。今次教練叫我唔好跑咁快，前面有斜路，要留力，後面先跑快啲。」最辛苦要跟跑手自拍？「無，佢哋好尊重我，衝線先合照。」參加海外賽事？「跑掂香港先。」
同樣跑10公里的ERROR成員吳保錡，首次參加則以55分12秒完成賽事，較發哥早少少到達，他更專程站在一旁等發哥合照留念，期間發哥與保錡握手互相祝賀，又問保錡以多少時間完成賽事。保錡受訪時指自己過往形象差、身材又肥胖，故希望藉跑步突破自己，「我喺早前ERROR開騷時開始健身跑步，今次一個鐘內完成都達成目標，希望出年挑戰半馬或者全馬。」
余德丞以約1小時20分完成10公里賽事，他指今次是他自心臟出事後首個有成績的比賽，笑指要證明自己仍可以。最近大隻咗？「唔係，跑完有少少充血，但充喺手。」提到緋聞女友蔡思貝跑半馬，余德丞笑稱：「佢黐線，跑太快追佢唔到，半馬對我嚟講太長，佢喺跑馬地操練時有撞過佢，佢係專業訓練。（叫佢幫你訓練？）約食飯算。」對於電台拍檔余迪偉炮轟艾粒歧視其性取向，余德丞指：「余迪偉一向都嘻嘻哈哈，應該ok，工作如常。（有傳佢幫艾粒宣傳？）唔知，但903同事好齊心，最緊要佢開心。」
有多年跑馬拉松經驗的梁諾妍，誕下女兒後首次挑戰全馬，雖然有舊患在身，但她仍以3小時57分16秒的時間完成賽事，令她開心不已。而身在巴西的老公洪永城，則在當地凌晨時間傳短訊為太太打氣，「佢淨係講咗兩句加油，阿女喺我出門前就仲瞓緊，返屋企先同佢慶祝。」她又指希望明年有機會和洪永城一同參與賽事，「只要有訓練就一定可以完成，不過如果佢太慢，我唔會等佢，叫佢喺終點等。」
蔡思貝以1小時47分34秒完成半馬，是3151位女參賽者中排名120，比起她在2018年的成績快21秒。思貝與跑步師傅吳輝揚一起參賽，她指跑到西隧斜路時感到吃力，因斜路不是她的強項。「初時自己無諗過參加，因為覺得自己唔夠fit，無信心，但最後都咬實牙關去挑戰自己，希望嚟緊有機會參加全馬，一生人點都要參加一次。（參加日本櫻花道、蜜瓜道？邊食邊比賽？）唔得，跑步要好專心，我驚分心。（余德丞話你跑得快好黐線？）佢偏心我啫！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：倪小珊
攝影：林良明