粵劇名伶阮兆輝入行70周年錄影特備節目 永不言休：做到做唔到先算

粵劇名伶阮兆輝今晚到尖沙咀文化中心出席《阮兆輝演藝70樂今宵》錄影探班，圈中好友羅蘭、胡楓及米雪等亦有出席。7歲以童星入行的阮兆輝，直言數十年來有很多難忘回憶，他說：「真係太多嘢好難忘，要講講唔晒，但一定唔可以忘記感恩，依家回顧番，有好多人對我好好，好多嘢好似失敗，但又無事。我初初去考童星，第一次係失敗，又再去第二間考。（好鍾意做戲？）唔係，係窮啫，學費都幾貴㗎，因為戰後個環境都唔好，但好有人情味，去士多可以賒數。」

同場加映：陳慧琳爆兒子最愛看周星馳電影 自薦飾演《少林女足》退休教練

{{hket:ul-video id="8545"}}{{/hket:ul-video}}

{{hket:inline-image name="DSC_2670.JPG"}}{{/hket:inline-image}}

{{hket:inline-image name="DSC_2675.JPG"}}{{/hket:inline-image}}

至於最懷念哪位拍檔？阮兆輝直言是其師傅麥炳榮：「佢教我做人，佢話做人都唔掂，做戲就唔會好，同埋要有禮貌、宗旨，我一路做一路學，好得益，諗番起都好開心。（會一路做落去唔會退休？）呢行如果忽然唔做，對身體都大影響，因為習慣咗，又有寄託，我師傅都反對退休，佢話做到做唔到先算，最多辛苦就做少啲，但喺台上就好享受。」

{{hket:inline-image name="DSC_2682.JPG"}}{{/hket:inline-image}}

問他有甚麼說話寄語年輕一代？阮兆輝表示：「老人家要講真話，唔好呃人，唔好帶人遊花園，人哋問你嘢知就知，唔知就唔知，咁後生呢，練功、練功再練功，學戲、學戲再學戲，讀書、讀書再讀書，邊一行都係，要用好多時間去用功。」

{{hket:inline-image name="DSC_2897.JPG"}}{{/hket:inline-image}}

採訪：黃寶蓮

攝影：林良明

撰文：倪小珊