Double芒果冰雪特飲登陸McCafé 雙重芒果滋味

踏入夏季，正好迎來香甜芒果當造季節，黛安收到風，深受歡迎嘅角落小夥伴™將再度為大家帶嚟盛夏驚喜！Double芒果冰雪特飲今日（8日）起登陸McCafé，同大家度過最Sweet、最清涼嘅夏日！

公關姊妹話，Double芒果冰雪選用香甜呂宋芒和多汁鮮嫩嘅象牙芒，糅合兩種唔同風味嘅芳香甘甜，雙重芒果滋味，飲落啖啖消暑透心涼。今次杯身更會印上可愛嘅角落小夥伴™成員，考考大家眼力，睇下可以數到幾多個人氣成員啦。麥當勞App用戶只需點擊App首頁內嘅「McCafé優惠券」欄目，即可使用唔同電子優惠券，包括今日起可用「Double芒果冰雪減$3」優惠，率先試下香濃「芒」滋味，與角落小夥伴™享受夏日Mango Time。