外傭曠工｜入屋2星期印傭姐姐疑𦧲地博炒 僱主無符網民教一招對付

不少港人都有請家傭需要，不愉快事件亦時有發生。有網民指家中印傭入屋僅2星期就想辭職，與中介溝通後對方對願意留低，但工作態度就極不合作，甚至一有不滿就會「𦧲地撒賴」，令事主相當無奈。有網民就建議事主叫救護車，稱救護員處理類似情況早有經驗，一招就可能令女傭「自動起身」。

同場加映：
管家王｜西斜救星一貼降溫5°C 專家教揀防曬隔熱膜 拆解價錢+效用+迷思 

{{hket:ul-video id="8351"}}{{/hket:ul-video}}

有網民於Facebook群組「外傭僱主必看新聞訊息」發文，指早前新聘用一名印傭姐姐，惟對方入屋僅兩星期就表示想辭職，就事件聯絡中介公司後對方又表示願意留低，但工作態度就強差人意，一有不滿就「𦧲地抗議」，令事主甚為頭痛，

「一有不滿就瞓喺地下唔郁，話好累，叫佢唔好瞓喺度佢就坐喺度唔郁。」

事主指姐姐曾表示自己不吃豬肉，其後事主每餐都有準備無豬餸菜「有菜有魚」，可惜姐姐似乎仍未滿意，更反斥「唔畀嘢佢食」令事主無計可施，

「知佢係博炒，唔知仲可以點做。」

網民指外傭「撒賴博炒」常見

事主又貼上外傭姐姐「瞓地」相片，引起不少網民討論。有人問事主何以不直接炒人，又慨嘆法例對外傭僱主保障不足，令僱主遭遇類似情況時往往無計可施。有不少網民指自己亦遇過類似情況，指外傭「博炒」時瞓地曠工情況常見，中介一般都會建議僱主報警，但最終多數都無法處理問題，中介費用亦往往無法追討無門。

過來人建議叫救護車：救護見慣識處理

面對類似的曠工舉動，有過來人就認為行為往往「一不離二」，建議事主在全屋安裝閉路電視保障自己。有人就表示試過「擔凳仔」坐在外傭身邊玩電話，對方隔日即主動辭職，亦有人表示試過直接叫救護車，稱救護員到場後表示對類似情況「見慣見熟」，隨即掏出幾支插喉用具，女傭見狀即時「醒返起身」，被網民大讚「高招」。

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】