李昭南拒埋沒美好身材 預告暑假節目性感濕身

李昭南（Mishy）、李靄璣（Rikko）、徐穎堃（Erica）及陳斯雯（Virginia）等，今日到港台出席全新雜誌式英語節目《Vibrant Hong Kong》（非凡香港）開鏡儀式，眾主持均講得一口流利英語，她們應大會要求，在儀式上接受英語急口令挑戰，展示主持實力和語言天份。

同場加映：一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

{{hket:inline-image name="101.jpg"}}{{/hket:inline-image}}

Mishy和Rikko於節目中邀請不同嘉賓分析「時裝界的人工智能」及「電子競技Esports」等，她們不約而同表示錄影第一集後，雙方已經充滿默契，而且表現專業，Rikko表示：「雖然我哋係錄影，但我哋都當直播節目咁做，拍得好順利，仲好早可以收工。」Mishy則表示雙方不僅對答有交流，亦會從眼神中得知對方的各種示意。

{{hket:inline-image name="IMG_7431.jpg"}}{{/hket:inline-image}}

而一向愛作性感打扮的Mishy，問到主持如此正經節目，豈不是埋沒了好身材？Mishy笑指自己一向不性感，身旁的Rikko聞言即衝口而出：「嘩，咁都唔係性感？」Mishy表示：「我本身係個怕羞保守嘅人，返香港之前，我喺華盛頓係做新聞主播，呢種模式好舒服，如果要性感可能係要拍劇，或者之前拍台灣節目要扮美人魚先性感，唔通著鯊魚衫落去咩？要睇吓咩場合，最好係做到可以登上大台，又可以性感。」

{{hket:inline-image name="IMG_7458.jpg"}}{{/hket:inline-image}}

至於甚麼節目才可以讓她大騷身材？Mishy預告將會「濕身」：「嚟緊暑假會有個大型綜藝節目，未知到時要唔要落水，應該會有啲跑步同競技賽。」她透露除了在ViuTV主持7個節目，亦在港台主持2個節目，笑言女人都貪心，希望愈多工作愈好。

{{hket:inline-image name="IMG_7463.jpg"}}{{/hket:inline-image}}

撰文、攝影：倪小珊