洪欣離婚鬧劇變直播恩愛餵食騷 網民感覺被耍：再也沒人同情你

52歲洪欣本月1日突然於社交平台宣布同細佢10歲嘅內地藝人老公張丹峰結束14年婚姻，不過去到月中，洪欣又轉軚道歉話二人冇離婚，昨日仲合體直播上演「恩愛show」，之前支持佢「女人當自強」嘅網民都覺得好無奈呀！

同場加映：

一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

洪欣同老公張丹峰於直播中有講有笑，好似返番去佢哋初頭結婚時熱戀期咁，不斷放閃，仲多次呼籲網民加入佢哋粉絲團。二人飲同一杯飲品，洪欣又餵老公食燒肉，完全唔似月初嗌離婚。

二人近年甚少合體做直播，上一次要數今年4月，當時明顯貌合神離，洪欣手搭張丹峰手臂，不足一秒已縮開，感覺似工作拍檔多於夫婦，婚變之說此起彼落。

{{hket:inline-image name="ba4d47361f13a0762843720e16b0a037saasftp20200221.jpg"}}{{/hket:inline-image}}

洪欣月初時宣布離婚，傳與張丹峰有染的前經理人畢瀅代為澄清二人只係夫婦吵架，並表示同自己冇關；又傳出洪欣與莫少聰所生的兒子張鎬濂會改姓洪。事情峰迴路轉，不足半個月洪欣發表公開信致歉，稱離婚係「情緒化言論」，並指出與丈夫張丹峰之間的矛盾跟畢瀅無關，直至昨日佢哋仲合體直播，高調放閃，仲犀利過過山車呀！

網民係局外人，做到嘅都係食花生，不過食花生食到嬲都可以話係罕有，唔少人都罵爆佢哋當fans係馬騮：「這樣估計以後都沒人喜歡你（洪欣），也不會同情你了，離就離了，沒他不能活嗎」、「 姐姐你知不知道狼來了的故事啊」、「一次次這樣耍人真的沒路人（觀眾）緣了呀」、「拿别人當猴耍。關注多年，取關了」、「知道合體才能賺錢，厲害厲害」。有網民對佢哋嘅直播有實質「建議」：「想增加直播流量？可以找畢瀅來個三人同行」，亦有唔少人送上祝福，恭喜他們和好如初，指張丹峰「浪子回頭金不換」。

撰文︰娛樂組