中年好聲音丨龍婷贏內地比賽遇新冠疫情夢碎 爆街唱日賺800蚊：冇偷冇搶冇呃人

《中年好聲音》第四名兼獲「觀眾最愛好聲音」龍婷近日接受香港電台車淑梅的節目《舊日的足跡》訪問，暢談從內地來港的演唱生涯。龍婷為了改變生活環境，2017年由瀋陽來港尋找機會。「之前奇怪點解香港人行路咁快？後來先知原來行快啲可以賺多啲。香港機會處處，我問爸爸拎咗10萬蚊嚟呢度生活，打算如果用晒仲未搵到自己位置嘅話就會返去。我最想搵到可以唱歌嘅工作，心目中香港娛樂事業蓬勃，但我去到酒樓同跳茶舞嘅地方，竟發現自己係最年輕嘅歌手。彈琴的叔叔說：『算了罷，呢行10年人工都冇變動。』我當時真係心灰。不過至少我唱歌時會忘記唔開心，有能量同開心亦都可以感染聽歌嘅人，我願意去唱！」

同場加映：一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

龍婷慈善音樂會邀彭家麗合唱 想請埋朱主席：係咪可以搵佢【下一頁】

{{hket:inline-image name="349362255_180213828007448_6287191403933336513_n.jpg"}}{{/hket:inline-image}}

{{hket:inline-image name="thh.jpg"}}{{/hket:inline-image}}

{{hket:inline-image name="349984385_497524435841318_3771710331523639290_n.jpg"}}{{/hket:inline-image}}

當時龍婷獲派一張寫上了100首對她來說十分陌生的歌，她用一個月時間學會了，演唱工作卻一星期只有兩、三天。「為咗生活，我曾應徵做侍應，但對方指我太斯文未必適合，建議我去做售貨員。我後來試過用微信幫內地朋友買香港貨，亦試過喺琴行做兒童聲學導師，不過我冇正式學過，只係指導一下。」來港那年，龍婷開始在西洋菜街唱歌。「（有冇感覺似喺街上問人要錢？）冇，我一日賺咗800蚊。我冇偷、冇搶、冇呃人，佢哋甘心情願支持我嘅。我知喺嗰度唱歌唔長久，所以每次唱到最後一首歌，我都會好珍惜。我喺西洋菜街搵到好多愛同生活所需……（遇過狂蜂浪蝶？）遇到時我會即時變得冷冰冰，絕唔會畀佢哋機會。曾經有人喺網上講咗一啲難聽嘅說話，父母安慰我話唔緊要，證明我有話題同走红，所以我冇介意。」

{{hket:inline-image name="star8_600.jpg"}}{{/hket:inline-image}}

{{hket:inline-image name="adgvcn_600.jpg"}}{{/hket:inline-image}}

政府於 2018 年年中禁止在西洋菜街表演，龍婷的街頭演唱生涯亦隨之告終。「可能係一個轉機，我被邀請參加中央電視台嘅《星光大道》比賽，好唔容易得到總冠軍，之後仲參與咗央視春晚表演。我以為自己可以更上一層樓，點知第二天全國焦點都集中喺新冠疫情上，所有商演一下子取消晒，我就好似中咗六合彩頭獎，但彩票唔見咗一樣。鬥志消沉之下，我報名參加《中年好聲音》，目的就係想放下過去，跑向未來，畀更多香港人認識自己。三甲不入唔緊要，我得到『觀眾最愛好聲音』獎項已經好滿足。」

{{hket:inline-image name="star6_600.jpg"}}{{/hket:inline-image}}

{{hket:inline-image name="star7_600.jpg"}}{{/hket:inline-image}}

中年好聲音｜龍婷街頭獻唱被嘲大媽好負面 罕談愛情：靠愛情好容易失望【下一頁】

談到感情生活，龍婷說：「我將精神都放喺工作上，我對自己要求很高，對伴侶要求更高。我嘅條件就係對方要比我強，畀我依靠，可以喺大事上作主。我都有想過將來有個伴侶，但一切都要順其自然。」龍婷表示自己的偶像是王菲。「佢唱歌太好聽、太超班，我冇可能同她一樣。我欣賞佢思維通透，簡單而一針見血。我鍾意嘅歌就係《漫步人生路》，正好描述我嘅心態，越過高峰另一峰卻又見，我有好多夢想，我要一一去實現！」如果有一天可以再次在西洋菜街唱歌，龍婷會重回舊地高歌嗎？「我會，我係歌手，畀大家歡樂紓解鬱結，正是我存在嘅意義。」 

{{hket:inline-image name="342218567_779291833554584_6042291182227654937_n_600.jpg"}}{{/hket:inline-image}}

{{hket:inline-image name="53534_600.jpeg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組