中年好聲音｜龍婷街頭獻唱被嘲大媽好負面 罕談愛情：靠愛情好容易失望

《中年好聲音》比賽早前圓滿結束，賽前大熱的龍婷在決賽雖然大熱倒灶，未能打入三甲位置，不過就獲頒「觀眾最愛好聲音」大獎，成為票后。賽後龍婷接受《Star Talk》許文軒的訪問，她直言三甲不入沒有失望，反而好開心自己有觀眾緣。

同場加映：

許光漢林柏宏曬廣東話宣傳新戲 無邀請周星馳睇首映即「認衰」：向他下跪！

{{hket:ul-video id="8172"}}{{/hket:ul-video}}

許文軒問到龍婷拿不到名次會唔會有失望？龍婷笑言：「仲開心呀！係觀眾最喜歡嘅歌手。其實冇失望，睇到佢哋（其他參賽者）唱得好好。我每一次比賽都係盡力，其實去到19號已失聲，到23號有番聲，但唔夠力唱，第一首歌唔夠氣勢。」

{{hket:inline-image name="53534.jpeg"}}{{/hket:inline-image}}

在參賽之前，龍婷在旺角西洋菜街Busking，及後參加央視的《星光大道》比賽奪得冠軍，又上過春晚演出。問到她為何要參加《中年好聲音》這個比賽？龍婷表示想讓更多人認識自己，「未去西洋菜街唱歌，覺得自己普普通通，唔知會被大家肯定。去咗中央電視台參加比賽拎冠軍，上埋春晚，嗰時疫情影響，又冇乜人關注呢件事…而家想向前行，透過《中年好聲音》畀多啲觀眾認識我，唔係淨係街頭演出。」

{{hket:inline-image name="star3.jpg"}}{{/hket:inline-image}}

龍婷亦坦言一路走來遇到不少負評，但參加比賽後令她搖身一變做人見人愛的小龍女：「佢哋會話Busking好嘈，又話係大媽，會收人錢…好多負面聲音。但喺TVB呢個節目被人認識到，被人喜歡同尊重，而家我係人見人愛，叫我小龍女，想同我影相。無諗過而家自己係咩身份，我係歌手，唱歌可以令到你哋開心，我就有用。」

龍婷直言比較內向，真正與其他參賽者熟絡是在入了廿六強之後，「我好保護我自己，驚做得唔好，驚失禮人。廿六強之後慢慢識到其他人，開始約食飯同一齊睇節目，氣氛好好，一齊歡呼一齊笑，好似返咗去讀書嗰時。」

在節目播映期間，龍婷多次與丁文俊合唱而成「緋聞情侶」，前者亦多次強調兩人只是朋友。「同丁文俊合唱多啲，所以同佢熟啲。（緋聞男友？）為咗收視率，算啦！（有冇機會發展？）都係朋友，我比較專注做嘢，過咗比賽都好想大家關注我唱歌方面，或者我個樣都得。」

今年42歲的龍婷享受單身，問到「中年」點睇愛情？她以事業為重，「做嘢緊要啲，靠愛情好容易失望，可能三個月、一年就過咗去。努力做嘢先會有回報，滿足感令我幸福快樂。」

{{hket:inline-image name="star12.jpg"}}{{/hket:inline-image}}

中年好聲音丨龍婷謝票重返街頭賣唱地點喺... 鐵口情斷丁文俊：緋聞為收視啫【下一頁】

撰文：娛樂組

來源︰截圖