林子博偷拍鄰居曬太陽被責急刪 網民鬧感覺猥瑣：影衰晒！

前TVB娛樂新聞台主播林子博2020年經歷喪妻之痛，同亡妻育有一子一女嘅佢無奈成為單親爸爸，2021年同一對仔女移居英國展開新生活，好爸爸好老公形象深入民心。林子博都不時都會社交平台分享生活近況，唔少網民都好支持佢，不過日前林子博分享一個帖文卻引起爭議，林子博亦因為咁刪post。

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

{{hket:inline-image name="bok22.png"}}{{/hket:inline-image}}

林子博去年底由公寓搬往兩層高獨立洋房，佢亦曾拍照及拍片分享屋內的環境，前幾日仲分享自己喺花園嘅「剷草樂」，非常寫意。不過日前佢另一個post就被網民狂插，事關林子博post出兩張一位外籍美女喺草地上着比堅尼曬太陽嘅相，相信係佢嘅鄰居，佢留言表示鄰居應該守望相助、遠親不如近鄰：「我最憎啲人搽太陽油唔搽背脊！😤呢啲鄰居真係好討厭，成日喺門前馬路邊曬太陽……都唔叫埋我！😡😡😡😡😡😡😡😡」但卻遭網民留言指：「偷拍唔係咁好喎！」唔少網民都留言批評，而林子博都好快刪文，平息網民怒氣。

不過事件就畀人放到討論區繼續發酵，評論都係一面倒話佢嘅行為不該，留言：「呢個行為好猥瑣，佢唔係賣好老公好爸爸嘅咩。」、「自己睇完咪算，大驚小怪走去影人，香港好多呢啲人，所以喺香港都唔會着得咁性感。」、「影衰移英港人！」、「好低級，懶幽默。」

圖片來源：Instagram