肥媽李鼎│游嘉欣最尾一集煲湯孝敬兩老 肥媽自爆曾被屈過檔亞視

由Maria Cordero（肥媽）、李家鼎（鼎爺）和游嘉欣主持的飲食節目《肥媽李鼎》，今晚（24日）播出最後一集，主題是「最想多謝的人」。肥媽最想多謝「恩人」 林嶺東先生，她說：「嗰時我喺一間 Disco 唱歌，佢成日嚟聽我唱歌，佢覺得我把聲似黑人，之後叫泰迪羅賓作咗首黑人怨曲畀我唱，點知一唱周街啲人叫我 『嘥氣』，咁就入咗呢行。」肥媽分享與林嶺東先生的趣事，當時她每晚都會唱《We Are The World》，他每日都會捧場，如校長來聽校歌一樣。她還爆料謂曾被人屈過檔亞視，令她無份參演大騷，導致收入大減，索性做生意。不過她就感激這個人的機心，反而令她跳出舒適圈做生意，她透露該人的背景：「呢個人大家都識好出名㗎，佢細過我而家都5張（50多歲）。」

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

{{hket:inline-image name="0.JPG"}}{{/hket:inline-image}}

肥媽李鼎丨肥媽零避忌不斷重提前妻施明 李家鼎離婚29年唔怕女友呷醋？【下一頁】

羅霖代家人澄清丨肥媽誤指Nel Nel陷財困惹家人不滿 撰文道歉：冇人會比我更了解佢【下一頁】

鼎爺則最想多謝曾勵珍，因對方令自己在演藝工作上有所轉變，他說：「我由藝員做到煮食（節目）嘅主持，都係珍姐極力推薦我，我有天大本事都冇用，都要有人畀機會。」他還自揭當初拍《阿爺廚房》前經過三次試廠，「真係試到我忟，覺得我眼神惡同聲氣大。其實佢都好重視，如果唔係都唔會嘥錢試你呢個傻佬啦。」他還即場模仿珍姐招牌動作「睇吓點」，游嘉欣大讚神似。

最後，游嘉欣最想多謝找她拍《香港愛情故事》的監製林肯，她表示當時自己甚麼也不懂，但對方希望由她擔演一角：「佢真係好夠薑，如果冇佢當初咁大膽揀我，就冇今日可以坐喺度同兩位講嘢。」肥媽還提議游嘉欣對着鏡頭向珍姐自薦，游嘉欣立即十分害羞而且面紅。由於節目已來到最後一集，游嘉欣特意提早到場，炮製「游氏釀冬瓜」慰勞兩位前輩。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：娛樂組