肥媽李鼎︳鼎爺愧對媽媽鏡頭前留下男兒淚 「嗰時做咗啲嘢對我媽唔住…」

由肥媽、李家鼎（鼎爺）及游嘉欣（游游）合作主持的《肥媽李鼎》，今晚（10日）第9集主題是「父母唔易做」，當中鼎爺提起媽媽時一度流下男兒淚，自責昔日經常頂撞媽媽。

同場加映：

許光漢林柏宏曬廣東話宣傳新戲 無邀請周星馳睇首映即「認衰」：向他下跪！

{{hket:ul-video id="8172"}}{{/hket:ul-video}}

{{hket:inline-image name="TVB04.jpg"}}{{/hket:inline-image}}

{{hket:inline-image name="TVB06.JPG"}}{{/hket:inline-image}}

育有六個仔女的肥媽笑指「煩音」更勝用藤條打人，兒時成日食「藤條炆豬肉」，她說：「老竇唔打人，得我媽打人，所以學我媽買藤條，淨係打仔女屁股，其實打完我自己匿埋喊。」自爆仔女越打越唔驚，「我問佢哋點解唔驚？佢話因為我係你親生，你唔會打死我㗎嘛！」

肥媽知道用藤條打冇用，於是以「煩音」攻擊，「後來我捉住佢哋傾半個鐘頭以上，仔女就喊晒話『你唔好同我傾偈，你打我算啦』！」

肥媽李鼎丨李家鼎被肥媽爆鬥廚藝有火搞喊對手 嫌疑人曝光：唔開心關我咩事？【下一頁】

鼎爺接住就話「講起阿媽就流眼淚」，覺得媽媽慳家好偉大，他說：「以前我細佬隻腳唔小心斷咗，去睇某個中醫，中醫話呢隻藥一定要搵豬腳筋煎藥，我媽就喺（街市）收市前去巡，2毫子嗰啲，變咗3毫子兩份，真係行足三個鐘頭！」說到此時，向來給人硬淨的鼎爺竟然落下男兒淚，自責：「嗰時我做咗啲嘢對我媽唔住……有時我會頂撞佢……」令人動容。

（↓點擊放大睇圖片↓）

當游游追問二人是否有為孫兒留積蓄時，肥媽爽快表示：「我同仔女講，如果我在生時使晒就真係sorry，如果我使唔晒留番畀你，你就lucky。」反問游游是否找父母商量，游游話：「真係唔會好多，有時覺得佢哋思想太保守，我同佢哋講而家嘅嘢，其實佢哋唔會明，就好似你講你哋年代嘅嘢，我都係唔會明。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】