林正峰轉新形象被讚靚仔似oppa 為拍劇努力健身兼戒澱粉質減18磅

TVB藝人林正峰（Niklas）備受無綫力捧，從劇集《香港愛情故事》開始，與游嘉欣被打造成為新一代熒幕情侶，人氣急升。林正峰平時多以斯文眼鏡Look示人，最近想有新嘗試的他除了努力健身外，更少有地除下眼鏡，被網友指他成個人感覺唔同晒，有人更大讚他似韓仔oppa！

同場加映：中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

近日林正峰在IG po出兩張文青look的相片，相中的他沒有戴眼鏡，手執咖啡。不少網友指他的樣貌唔同晒，靚仔咗好多，「成個oppa咁」、「面尖尖，靚仔晒」、「靚仔咗咁多嘅」、「新形象喎」、「點解靚仔咗咁多」，狂吸正評！

{{hket:inline-image name="23.jpeg"}}{{/hket:inline-image}}

《晴報》聯絡到阿峰，問到他係咪刻意改變形象？阿峰笑言都想畀個目標自己，「因為知道嚟緊有啲劇集拍攝，所以想畀個目標自己。呢幾個月不斷健身同埋戒咗食澱粉質，輕咗18磅，食嘢都盡量少糖少油同少鹽。」

{{hket:inline-image name="DSC09654_600_600.jpg"}}{{/hket:inline-image}}

至於IG新相，他就直言是新嘗試，「最近有攝影師邀請影輯相，有夾過話想試吓同平時感覺唔同啲，試吓唔戴眼鏡。然後化妝師想我對眼有神啲，所以我就貼雙眼皮膠紙試吓玩吓，然後影完交畀攝影師執相。最後出嚟感覺好似都幾好，我就post咗，哈哈。」

提到一向是單眼皮的阿峰，平時拍攝會否有不便？他就表示：「都無咩所謂，都係睇返拍攝嘅需要同埋要求，只不過係我平時影相就會試吓唔同嘅打扮玩吓咁！」

林正峰游嘉欣出身基層望回饋家人 「呢個時代好難搵到夢想同目標」【下一頁】