79歲羅拔迪尼路與華女友成功造人 第7度做老竇年紀最大女兒51歲

79歲荷里活老牌影星羅拔迪尼（Robert De Niro）路近日受訪時突然自爆第7度做老竇，事件隨即引嚟熱烈討論。有指bb嘅媽媽係2015年同佢因為拍劇而結緣嘅華裔太極教練Tiffany Chen！

羅拔迪尼路最近接受《ET Canada》訪問宣傳新片《About My Father》，談及自己多次演出嚴父角色，但現實嘅佢就冇對子女過分嚴格管教，又指唔喜歡用規矩強逼小孩，但有時都無可奈何：「我總希望孩子做正確的事，盡可能相信他們會做出更多好事。」當記者再問到佢同6名子女相處嘅事，佢突然自爆︰「其實是7個，我剛又做爸爸！」其發言人之後證實消息，羅拔迪尼路確實已經第7度做老竇，不過未有透露小孩嘅性別、生日、名字、媽媽身分等資料。

{{hket:inline-image name="_2020100620234399855.jpg"}}{{/hket:inline-image}}

雖然羅拔迪尼路無公布另一半身分，但佢早前佢同華裔太極教練女友Tiffany Chen外出時，女方明顯肚凸凸，羅拔亦出手攙扶，照顧有加，不過當時就冇傳媒大肆報導，相信都係估唔到79歲嘅佢仲咁有心有力。羅拔迪尼路同第一任妻子Diahnne Abbott所生的大仔Raphael，現年46歲，又收養妻子與前夫的女兒Drena，Drena都現年51歲，同剛出生小孩年齡差距甚遠。另外佢同前女友Toukie Smith都育有一對27歲雙胞胎兒子，之後與第2任妻子Grace Hightower又育有一對兒女，分別是24歲兒子Elliot與11歲小女兒Helen。大女Drena係一名導演及演員，孖仔之一嘅Julian都係演員。

Tiffany Chen係一名太極教練，又精通武術，曾獲獎無數，其父William C.C. Chen亦係武術大師。Tiffany曾於羅拔迪尼路主演嘅電影《見習冇限耆》中演出，又演過短片《Good Manners》。前年8月起，佢同羅拔迪尼路多次被拍到約會及拖手，但雙方未曾承認戀情。