陳慧琳婚姻美滿老公周日必做一事 爆黎明用金句維護一位「四大天王」

陳慧琳（Kelly）在2008年與男友劉建浩（Alex）結婚，結束16年的愛情長跑，兩人婚後育有一對兒子劉昇和劉琛。雖然結婚14年，但兩口子仍然恩愛幸福，Kelly曾透露老公每個星期日，都會親自煮早餐，她對老公讚不絕口，簡直sweet爆！

同場加映：大離婚日丨田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="11.jpg"}}{{/hket:inline-image}}

{{hket:inline-image name="50.jpg"}}{{/hket:inline-image}}

Kelly日前接受李志剛的港台節目《好心情經理人》訪問，談及愛情觀，Kelly指自己不要多（伴侶），最重要是一生一世，她說：「我唔鍾意咁多個，試呢個試嗰個。」李志剛笑指Kelly老公應該是一名悶蛋，Kelly快快為老公澄清，「唔係呀，佢唔悶㗎，佢搞笑型嚟㗎，係有幽默感嘅人，同佢一齊係開心㗎！」Kelly指平時與老公在家，縱使各有各看YouTube，但都會不其然來一個擁抱。

陳慧琳捐出逾八千件物品義賣 不捨6年珍藏：有啲好有回憶【下一頁】

由於工作上需要，Kelly平時要買不同衫、褲、鞋、袋，穿過一次，又不可以穿第二次，最後儲落很多隨身物品，於是Kelly想到賣二手衫回饋社會，她說：「每幾年都會有一次，賣二手衫，幫『陳慧琳兒童助學基金』籌款，因為疫情，隔咗咁多年，有出冇入，我又冇做嘢，我都要run呢個基金，加上疫情，好多人需要呢啲善款，就算香港，都唔係個個幸福，用zoom又要用電腦，又要學樂器，全部都係學生自己畀㗎喎，識幾種樂器係基本嘢，學校又多課外活動，都係學生畀錢，如果嗰個學生冇錢畀，冇得去，又冇得返屋企，要喺學校等，我覺得好慘；疫情下，好多手停口停嘅基層冇錢，我哋基金會撥一啲錢畀佢哋，所以大家要支持我啲二手衫。」

陳慧琳車禍後首現身怕成「刀疤陳」母子有創傷後遺症老公甜言𠱁番【下一頁】

{{hket:inline-image name="17.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

Kelly向來正面，從不做百彈齋主，寄語大家勿與別人作比較，她說：「我同黎明（Leon）拍《江山美人》，佢係智者，有日報紙出咗另一位天王嘅唔好新聞，我哋班八卦友話點點點，點知Leon一入嚟，大家都唔敢講，佢就拎住報紙睇，大家都睇緊Leon有咩反應，佢話『唔好開心呀，我好人哋好，人哋好代表我好，所以唔好要人哋唔好就覺得自己好，我哋係同階段，如果人哋唔好，我自己都唔好。』我聽完，勁呀，所以我見到同期嗰啲唔好，唔好開心笑呀！」

{{hket:inline-image name="29380a4b5a3fe4e5f15e75f134cbf385_600.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】