對你太在乎丨陳慧琳巧遇卡拉OK王子張松枝 擺23年前同一甫士合照零違和感

現年50歲嘅天后陳慧琳（Kelly）近日出席公開活動時狀態大勇，唔少人都好想再睇到佢嘅幕前演出，希望佢出嚟開騷！演唱會我哋就未等到，不過今日Kelly就post出一張同張松枝嘅合照，再次引起大家熱烈討論。

同場加映：炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

Kelly今日喺社交平台貼出同張松枝嘅合照，輕挨對方擺Pose，留言：「今日回公司開會，巧遇他……」其實現年55歲嘅張松枝上月月中都喺社交平台貼出當年為Kelly擔任《對你太在乎》MV男主角時嘅舊照，當時陳慧琳都有留言：「Hello，別來無恙。眨吓眼就23年，我兩日後會在新加坡music festival唱《對你太在乎》呀，可唔可以幫我同導演say Hello呀！大家take care！」時隔差不多個半月，估唔到二人終於碰頭，雖然兩張合照相隔23年，但佢哋面上都冇咩歲月痕跡影響，同當年擺埋同一個pose都冇違和感呀！

{{hket:inline-image name="3.jpeg"}}{{/hket:inline-image}}

《晴報》訪問張松枝，佢表示二人都有傾起當年拍MV嘅往事，不過碰面就真係意料之外，約都冇咁啱：「只係咁啱我要上Kelly公司、同佢公司啲製片傾啲工作上嘅嘢，咁啱Kelly又喺到，所以大家拍個照啫。」

張松枝1987同朋友於石澳耍樂時被星探發掘，後來我就上廣告公司試鏡，就入咗廣告界。張松枝外形俊朗，係寶麗金「碟聖」系列嘅御用男主角之一，拍咗過千個MV，故有「卡拉OK王子」稱號。張松枝曾接受本報訪問時幽默地表示：「嗰陣時環境好吖嘛，卡拉OK興起，好需要我哋呢啲靚仔喺度嘅，我本身都有儲返啲帶、碟（MV），但係發晒霉，不過而家上網都搵到啦。」

陳慧琳最近亦製造了不少哄動，早前「微服」訪酒吧被fans捕獲，粉絲留言：「是咁的，尋晚食完飯抽完獎去酒吧搵朋友，見大家靜靜地我就揀首經典合唱歌《紀念日》，睇下有冇人一齊唱。當我唱完一段副歌，正在惆悵冇女聲合唱的時候，忽然間聽到有人話『等我嚟』，頭都未轉得切，已經聽到有一把悅耳的聲音在左邊唱到同伴唱一樣，當我猶豫地轉個頭望過去睇下邊個咁夠膽挑戰我偶像……原來就係佢本人——陳慧琳！！！簡直不能相信，超級夢幻，值得紀念的紀念日！」唔少人都大表羨慕呀！