陳慧琳車禍後半個月復工心情戰兢 玉顏留疤未消腫見珠寶忘記傷患

現年50歲嘅陳慧琳（Kelly）去年12月中同13歲長子劉昇乘坐司機駕駛嘅座駕離開寓所落斜時，於嘉道理道與對面線的私家車迎頭相撞，車頭損毁。Kelly臉部及手部有少許擦傷、腳部撞瘀；劉昇臉部亦有瘀傷。二人被送往廣華醫院接受治療後回家。時隔接近個半月，Kelly今日終於「復工」，唔少fans都讚佢狀態大勇呀。

同場加映： Patrick Sir關宛珊一家四口最緊要開心 疫情BB洋蔥頭牙牙學語識拜年

{{hket:ul-video id="7475"}}{{/hket:ul-video}}

{{hket:inline-image name="327842442_136917415906693_2683753455026025314_n.jpg"}}{{/hket:inline-image}}

Kelly post出多張佢戴上珠寶嘅靚相，留言：「車禍後第一個photo shoot, 塊面未完全消腫，仲有D乸。我知道需要時間康復，但係時間唔等人，而這個工作亦是撞車之前已經接咗，冇辦法惟有抱住樂觀嘅態迎接工作。懷著戰戰兢兢嘅心情踏入旗艦店，一入門口就見到王丹妮喺度影緊相，成個團隊同我打招呼，Hello……心諗佢哋好似見唔到我撻疤喎……Yes, 過咗第一關。接着同事攞出一盤盤剛到港嘅珠寶，WOW極速唔記得咗自己仲有受傷。唔知係唔係兔年行好運嘅關係，竟然鏡頭出嚟好靚喎，遇上好嘅攝影師、好嘅燈光、好嘅場地，極速超額完成！最後大家年吉拱照，最緊要出入平安！」

睇嚟Kelly都好滿意呢輯相，而其實睇相都真係完全睇唔到Kelly有咩瑕疵，非常完美！唔少網民都祝福佢早日康復，而且表示完全睇唔出佢有傷患，又專業又靚，留言大讚佢係真女神：「心情開朗豁達，都會後生啲。」、「完全冇歲月嘅痕跡，邊有人腫得咁靚！」、「Kelly真係我唯一覺得（去到）女神級數。」、「好靚呀！食咁多防腐劑得唔得？」 、「完全唔知你撻疤喺邊。」

撰文：黃蘊姿