神探大戰慶功丨楊受成指劇本含5個敏感元素 爆內地電影局唔批黑警臥底題材

由韋家輝編導監、劉青雲、林峯主演的英皇電影《神探大戰》，在《第41屆香港電影金像獎》獲得「最佳導演」、「最佳編劇」、「最佳男主角」和「最佳攝影」四個獎項，電影公司舉行慶功宴，英皇集團主席楊受成透露《神》片劇本包含5個內地電影局認為敏感的元素，最後幸得韋家輝將內容大扭轉，才獲電影局批准。

同場加映：聲夢傳奇｜冼靖峰挑戰快歌擺脫慢情歌王子形象 同屆學員各有發展：與自己比較

{{hket:ul-video id="8075"}}{{/hket:ul-video}}

{{hket:inline-image name="275055201_973837243241585_4106123001160969472_n.jpg"}}{{/hket:inline-image}}

{{hket:inline-image name="H1Goto7WG-TrAWUrAM6x2pji3p6PdYWh8XI94_FyPeM.jpg"}}{{/hket:inline-image}}

楊受成在台上分享，《神》片有這個成績，實在來得不易，他表示由交劇本到上映，差不多花了三年時間，拍攝完畢後，楊生親自電影公司工作人員與內地電影局的局長會面，解釋劇本內容，楊生續說：「我話幾時批畀我哋，佢話『楊先生，你知唔知道我哋唔畀（拍）嘅嘢全部有晒，黑警、卧底、黑社會、槍戰、血腥，全部齊晒，你教我點樣批畀你呢？』我返去搵導演編劇改到啱為止，直至改到雞毛鴨血，導演最後可以扭到電影局批畀佢，導演真係叻，你話係咪應該拍手掌呢！」楊生還表示將開拍《神探大戰2》。

為韋家輝《神探大戰》搏盡 劉青雲拍激流戲險喪命【下一頁】

韋家輝、劉青雲和林峯一起接受傳媒訪問，原來《神2》片的劇本已經送審，而且故事內容是緊接《神》片。提到林峯一角在《神》片已經被射殺身亡，韋家輝笑說：「我有辦法啦！」出爐影帝的劉青雲表示未收到《神2》片劇本，所以不會想太多，「我成日都覺得韋生（韋家輝）10年先拍一部戲，邊有咁快吖，但諗諗吓，部戲係2018年，都一段時間。」林峯亦笑言估不到會這麼快開拍《神2》，「而家頭痛緊，我又要癲多一次。」問到劉青雲會否擔心今次又要跳樓、跳水渠？他笑說：「一定唔只咁，你放心啦！」韋家輝也笑謂：「我唔會咁益佢哋嘅！」劉青雲透露現時正拍攝翁子光的電影，所以就算獲頒影帝，都沒有時間慶祝。問到太太郭藹明有否送上賀吻 ?他笑說：「冇呀，你諗吓我日子點過！」

第41屆香港電影金像獎丨鄭秀文10次入圍終獲認同成影后 淚謝自己堅持追夢：唔使陪跑！【下一頁

{{hket:inline-image name="93f4676c-40c8-4f80-8c59-0bc8b71b0180.JPG"}}{{/hket:inline-image}}

{{hket:inline-image name="fab61756-cea0-47f0-a45a-0a2f50b6c349.JPG"}}{{/hket:inline-image}}

剛成為人夫的陳家樂，表示在《神》片的角色已經死去，期待導演如何將令他這個角色翻生。對於忙於婚宴，陳家樂稱休息了兩天。問他會否擔心《神2》開拍，會阻礙他和太太連詩雅的歐洲度蜜月計劃？陳家樂說：「續集唔會咁快開嘅，可能計劃會改短少少，始終大家嘅期都難夾，其中一個方案係我陪佢做嘢，因為佢嚟緊會去馬拉開騷，我覺得㗎咋，我覺得過去陪佢做嘢當度咗蜜月囉，幾開心吖！（歐洲變馬拉喎？）再講就去長洲算㗎喇，搶包山都好睇吖，我哋未睇過！」

採訪：梁紹明
攝影：林良明

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】