神探大戰丨蔡卓妍拍飛車戲面臨生死關頭 「我差啲撞死劉青雲！」

由劉青雲、蔡卓妍（阿Sa）及林峯等主演的電影《神探大戰》，將於本月21日上映。阿Sa在《神探大戰》中飾演女幹探，她形容今次拍攝猶如玩極限運動︰「唔係跑樓梯，就係游水，需要嘅體力非常大，拍完呢部戲，我覺得自己身體都好咗！」

{{hket:inline-image name="2.jpg"}}{{/hket:inline-image}}

同場加映：何啟南由電影男一轉做無綫行企角色 暫拒北上賺錢：我唔捨得家庭

{{hket:ul-video id="6066"}}{{/hket:ul-video}}

雖然阿Sa拍過不少打戲，但她直言今次初嘗了很多獨特體驗︰「我從未試過跳海、全身化一個特技粧，每次都要用六至八個鐘，然後仲要行一條好臭嘅渠，嗰條渠真係『包羅萬有』…仲要喺廟街跳樓！跳樓唔係無試過，但喺廟街有好多人望住呀。」

{{hket:inline-image name="3.jpg"}}{{/hket:inline-image}}

不過，阿Sa指最難忘的經歷，是拍攝一場面臨生死關頭的飛車場面。她憶述︰「坦白講，要我揸車已經係一個好難嘅任務，今次仲要似個賽車手，有一場戲我真係差啲喺公路上撞死青雲！」阿Sa指當時車輛的倒後鏡都裝了大燈，勉強才能看到路，轉彎時差點撞上另一架車。阿Sa續說︰「再揸咗一陣，我幾乎cut綫撞車，我完全無出聲，青雲都好安靜，然後我將架車停喺紅綠燈前。我望住佢，有啲心虛，佢又望住我，兩個人對望然後爆笑！我差啲撞死咗個影帝，好驚呀！」

{{hket:inline-image name="4.jpg"}}{{/hket:inline-image}}

另外，由於阿Sa的角色同時是一名孕婦，她亦花了不少時間觀摩孕婦的舉止，她表示︰「我真係要上YouTube，睇好多好多片，睇下一個孕婦應該係點樣？如果喺生產過程入面有啲不順利，又會係點呢？」

{{hket:inline-image name="5.jpg"}}{{/hket:inline-image}}

{{hket:inline-image name="1.jpg"}}{{/hket:inline-image}}

撰文︰陳子楠