食用安全｜港男嫌鮑魚有黑邊瘋狂刷到黑變白 專家：刷到死或影響口感

食用海鮮最緊要乾淨，但過分清潔亦不一定是好事。有港男早前於街市買下13隻鮑魚，回家一洗就發現一盆清水變黑。事主有感鮑魚不潔故決定做一次「深層清潔」，幾乎將鮑魚所有黑邊刷乾淨先至烹調食用。有專家就指出，鮑魚一般而言只需刷走表面7至8成黑邊即可食用，刷洗太久可能令「活鮑變死鮑」影響口感。

同場加映：
管家王｜開冷暖風機犯2個大忌易報銷 維修達人提醒：熱力風速勿經常開到盡

{{hket:ul-video id="8074"}}{{/hket:ul-video}}

有網民日於Facebook群組「香港街市魚類海鮮研究社」發文，指於元朗一個街市花$100買下13隻鮑魚，但準備烹調食用時就發現鮑魚相當「污糟」，前後兩次均洗出一盆「黑水」。事主自言見到一盆黑水有心理陰影，故自行將鮑魚黑邊刷到一乾二淨先敢食用，

「刷得好辛苦，啲鮑魚由黑變白。好好味食得安心啲。」

相片所見，事主用以清洗鮑魚的水的確相當污濁，鮑魚洗後可見黑邊，情況與街市甚至食肆所見鮑魚未見有大分別。經事主精心刷洗過的鮑魚亦的確「判若兩鮑」，黑邊幾乎消失之餘表面亦見光滑，賣相的確加分不少。

鮑魚乾淨至此，想必事主曾花不少功夫處理。有網民就認為清洗鮑魚其實「刷下就算」，毋須執意洗走所有污漬。有人就指過份洗刷會令肉質變硬影響口感，建議先以熱水輕灼2、30秒，之後就可以用牙刷輕易刷走鮑魚污漬。更甚者有人認為鮑魚本就需要清潔環境飼養，更加毋須洗得如此徹底。

專家講解正確清洗方法：刷到死影響口感

「丁丁海鮮外送」老闆Michael接受《晴報》訪問時指出，事主洗鮑魚洗出一盆「黑水」其實算是正常，因鮑魚表面難免會有污漬，但亦不代表鮑魚太過污糟甚至會影響健康。關於清洗鮑魚方法，Michael指一般而言會用毛刷刷乾淨鮑魚肉表面約7至8成黑邊污漬，再適量清潔鮑魚殼，其中主要是避免將活鮑魚刷死，導致影響口感。

Michael又解釋，鮑魚的確需要在乾淨水質飼養，清潔情況一般不會太差；事實上亦有不少人煮鮑魚前完全不會清潔鮑魚肉表面，未見得會帶來太大健康風險。但如果覺得黑邊太過污糟，適量刷洗的確可以令賣相加分，食得更開心。

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】