Uncle Ray契仔斥伊院「罪大惡極」 臨終前受苦：剥削佢生存權利

已故著名DJ Uncle Ray契仔兼遺囑執行人周舜河先生今日召開「尊重生命」記者會，表示希望透過Uncle Ray的不幸警惕有欠專業嘅醫護人員，希望佢哋切實跟足指引，減低對老人家同末期病人造成嘅傷害、尊重生命；又指令老人家臨終前最後一段路「搞到咁」，痛斥「罪大惡極」。

同場加映：  馮素波名氣總被比下去視為透明 釋懷更珍惜家人：每次見當惜別

{{hket:ul-video id="8063"}}{{/hket:ul-video}}

周舜河逐一反駁伊利沙伯醫院回覆，指4月21日院方回應失實，第一，將Uncle Ray與新冠肺炎病人置於同一病房，失實表示即時為病人安排轉往獨立病房。伊利沙伯醫院指Uncle Ray住院期間，發現隔籬病床病人患新冠肺炎後，立即安排病人轉往獨立病房，以等待2019冠狀病毒病檢測結果。而周舜河指11月27日下午六時，Uncle Ray仍住大房中，並非如院方所言，被轉往獨立私家病房。

{{hket:inline-image name="DSC_7286.JPG"}}{{/hket:inline-image}}

第二，誇大病人入院時的病情，周舜河指Uncle Ray入院時有嚴重肺炎；心臟衰竭出現於11月23日，腎衰竭於服用去水丸後出現，11月23日晚上確認有輕微心臟衰竭，服用去水丸後，出現輕微腎衰竭，血液中的鈉值急升。入院後兩天，已因伊院使用的抗生素而患上高血鈉症，鈉值於11月27日更升至158度，接近 「超高濃度」，根據醫療報告，絕不是伊院所指11月21日入院時已有的徵狀。

第三，將錯誤歸咎溝通不足，涉事醫生剥削Uncle Ray生存權利，無法認同伊利沙伯醫院指：「Uncle Ray接受藥物治療後情況未有進一步惡化，於是決定繼續藥物治療。」然而，Uncle Ray出現肺積水初期，院方指只屬少量不需要處理、到後來又指太過嚴重不能處理。周舜河又稱病人轉至中大醫院，家屬才在醫生口中得知情況嚴重，三日內抽了兩公升肺積水。而Uncle Ray褥瘡問題發展至第二級，伊院才告知家屬：「佢話唔好意思，又唔記得咗同你講。」

周舜河喺記者會上講到Uncle Ray被插尿喉時忍唔住哭泣，指Uncle Ray反抗被「搞陰莖」，Uncle Ray後來平靜接受，但同家屬講其實好唔舒服；然而Uncle Ray被認定為冇自我照顧能力，但院方就冇同日日見到嘅家屬溝通同作出決定，而係每次都單方面下決定。「涉事醫生覺得唔需要抽（肺積水），情況唔適合抽，但佢就選擇唔講畀家屬聽，我唔知點解佢有呢個決定。」又指「坦白講，溝通不足係個醫生自己講，成件事好明顯就係佢根本唔同我溝通，唔同Uncle Ray家屬溝通。」

周舜河斥涉事醫生冥頑不靈，伊院第二次回覆承認有嚴重出錯，但就指院方全力保護涉事醫生，用令人難以相信、同醫療紀錄有衝突、與事實不符嘅解釋，猶如於受害者傷口上灑鹽。而佢就事件後續作出行動會視乎醫管回應有所改變，要求醫管局承諾認真檢視現有公立醫院相關措施同守則，積極尋求改善空間，病人拒絕接受任何治療嘅權利，避免同減少同類型不幸事件。

撰文：娛樂組