梁云菲私密影片流出 舊愛金剛否認係男主角：我都會剃毛

藝人金剛前度女友梁云菲日前有性愛短片流出，雖然金剛同女方已經分手多時，不過依然受到「牽連」。二人「好聚不好散」，梁云菲分手後有批評對方。而對於再次成為「男主角」，金剛嬲爆爆粗劃清界線，而女方同佢現任男友嘅情緒似乎非常低落；唔少睇過片段嘅網民似乎發現咗當中一啲「魔鬼」細節，不禁搖頭感慨「貴圈真亂」！

同場加映：

第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎

{{hket:ul-video id="8031"}}{{/hket:ul-video}}

梁云菲喺事發後發文：「我沒有想過這樣的事情，會發生在自己身上，但事情就是發生了，我真的很逃避這一切，原本也不想多做什麼回應，我真的很害怕。但我告訴自己必須勇敢跟面對，因為我有深愛跟想保護的人，我真的很受傷，我男朋友更是不好受。」佢又指影片係幾年前嘅事情，唔知點解會外流，又透露將同步採取法律途徑，向網民們作出呼籲：「請勿再傳播。」不過後來又將帖文刪除。

梁云菲圈外男友也將大頭貼改成全黑圖，在IG限時動態表示：「有時候你很想好好過生活，但就是這麼難。」似乎就是指女友嘅私密片外流一事。

{{hket:inline-image name="298763802_184855373925483_8164284112673303213_n.jpg"}}{{/hket:inline-image}}

片中女主角喺對話中表示「比金剛爽」，有網民誤聽為「被金剛爽」，猜測男主角係金剛。金剛今日凌晨於IG限時澄清：「不是我！不是我！不是我！聽清楚，『被』跟『比』是不一樣的。」更嬲爆爆粗曬中指表示：「XXX啊，自己好好過生活不行嗎？不要甚麼都扯到我！而且我沒有！沒有！沒有這種癖好！再來我都會剃毛！到底夠了沒？」

梁云菲雖然表示影片係幾年前嘅事情，有網民認出影片中男主角係富二代已婚男，今年過年喺外國返台灣過節，異性緣相當好，而且影片拍攝時間並非梁云菲所講好幾年前，換言之同現任男友交往時間重疊。

2020年，梁云菲於清談節目中自爆遭前男友偷拍性愛片嘅經歷，佢指兩人拍拖2、3年，蒲完飲到醉醺醺被男友帶去汽車酒店，男友趁佢醉將二人親密行為錄低。前男友好友A男睇唔過眼，喺佢哋分手後，將此事告知女方。梁云菲擔心性愛影片流出，苦苦哀求下，A男幫佢刪走前男友電腦中嘅性愛片。點知3、4年後，一位好姊妹同佢前男友結婚，發現男方電腦雲端仍有該性愛影片，最後影片由好姊妹親自刪除先不至外流。至於係咪同今次流出嘅呢段片係同一條？就要由當事人自己講喇！

撰文︰娛樂組

圖片來源：Instagram