黃妍興奮與「偶像主播」方健儀同台 「佢當年封咪真係覺得好可惜」

創作歌手黃妍（Cath）今日獲邀出席「香港鼓樂節20周年」活動，平時結他自彈自唱的她，見到現場的擊鼓表演都表現得非常興奮，原來今次參與表演敲擊樂的老師是她為ViuTV拍攝節目《演奏一take過》時認識，「真係好犀利，係傳承嘅感覺，當時睇佢帶領住隊員，教出嚟嘅新一代演出都好有功架，真係好好睇！」黃妍指自己大學時代才學結他，全為了表演，「我鍾意周杰倫嘛，周杰倫男仔Key，咁我唱cover就cover唔到，所以就諗不如學結他啦，可以唱cover歌，又可以創作。」幸運地，最終當上歌手，以結他自彈自唱表演成為標記。

同場加映：第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎

{{hket:ul-video id="8031"}}{{/hket:ul-video}}

黃妍補祝生日被fans整黑圖 日本探大肚表姐有搞笑經歷【下一頁】

{{hket:inline-image name="31D06FE6-4257-4B70-98A7-28C3DE222095.jpeg"}}{{/hket:inline-image}}

Cath表示對中樂演奏都大感興趣，希望將來有機會將創作的歌曲嘗試「中國風」，她笑言：「以前真係聽得太多周杰倫嘅歌，佢嘅音樂直情係入咗血，有時做完歌曲DEMO畀公司同事聽，連林奕匡都話有周杰倫感覺。」Cath透露7月暑假將會推出專輯，早前在日本已經完成MV拍攝，非常期待這次有關文學的概念碟推出。「之前生日會收到粉絲送畀我幾本書，我好開心，因為我真係好鍾意文字嘅嘢，特別係佢哋親手寫畀我嘅卡片，亦因為今次村上春樹《1Q84》主題系列，令好多粉絲都有追睇晒成個系列嘅書，好開心可以感染到大家有閱讀習慣。」

吳林峰感激軒公高人教路 黃妍將與小塵埃合作做「電燈膽」？【下一頁】

提到今次跟方健儀同台，樹仁大學修讀新聞與傳播學系畢業的黃妍表示相當有親切感，「方健儀係我偶像，當年我讀緊大學，就聽到佢封咪唔再做主播，即係喺新聞報道講：『後會有期』，我同好多同學都視佢為偶像，覺得好可惜。冇諗過而家入咗行，好多工作上遇到佢做主持，我覺得佢好可愛，報新聞嗰種莊重同做活動司儀時嗰種搞笑，真係反差好大！」

{{hket:inline-image name="858C3F9D-7ED7-4A4C-B12F-D6092FC6CDFE.jpeg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

圖片：大會提供
撰文：楊安莉