第41屆香港電影金像獎丨鄭秀文10次入圍終獲認同成影后 淚謝自己堅持追夢：唔使陪跑！

《第41屆香港電影金像獎》今晚假尖沙咀文化中心舉行，大會頒發19個獎項，鄭秀文（Sammi）及劉青雲以大熱姿態獲得「最佳女主角」及「最佳男主角」，實至名歸。Sammi過去憑不同的電影先後十次入圍，可惜都跟獎項擦身而過，今次憑《流水落花》獲獎由好友劉德華親自頒發，令她尤其感動，甫上台跟華仔相擁時已經忍不住爆喊。

同場加映：第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎

{{hket:ul-video id="8031"}}{{/hket:ul-video}}

第41屆香港電影金像獎丨楊紫瓊亮相頒獎獲如雷掌聲恭賀 10歲林諾擊敗Edan及Jer兩大偶像【下一頁】

{{hket:inline-image name="8e29fa78-475b-48f1-a267-9a0fd819db42.jpg"}}{{/hket:inline-image}}

{{hket:inline-image name="sam.jpg"}}{{/hket:inline-image}}

Sammi在台上表示：「首先我想講今年能同幾位優秀女演員一齊角逐，其實『最佳女主角』呢個獎，從來都好似遙不可及，但又好似成日只差一步之遙咁，我唔係諗點樣得獎，而係諗點樣先可以進步，點樣喺演技上提升或者蛻變。由喜劇演員到正劇演員，所花氣力真係唔容易，到今日大家睇到我蛻變。我好感激遇上呢個劇本，多謝賈勝楓導演相信我做呢個角色。」Sammi感激家人，特別是離世的父親，她說：「爸爸好鍾意藝術，佢講過我入行就好似圓咗佢畢生嘅夢咁，希望你知道我得獎，為你藝術人生拚湊出更好嘅拼圖。」她又多謝媽媽及三個家姐同細佬，最後她向追夢的人作出打氣鼓勵，「追尋夢想係好困難重重，但請記住我呢個獎得畫面，機會係留畀堅持嘅人！多謝上帝，冇被我一路以來順風順水，令我更懂得謙卑同柔和，不過今日真係柔和唔到！」Sammi高舉獎座尖叫，「我終於唔使陪跑喇，可以昂首衝線！」

榮登影后的鄭秀文受訪時心情大靚，雖然台下沒有感謝老公許志安，但她表示回家會親自多謝安仔，「佢有send短訊畀我，又會準備我鍾意食嘅嘢，我終於可以食薯片喇！」

{{hket:inline-image name="sam1.jpg"}}{{/hket:inline-image}}

{{hket:inline-image name="sam2.jpg"}}{{/hket:inline-image}}

Sammi早前上「小薯茄」YouTube Channel自嘲身材平平叫「唔震乳（吳鎮宇諧音）」，剛巧吳鎮宇在她得獎後緊隨上台負責發頒「最佳男主角」獎，吳鎮宇過往六度跟「最佳男主角」殊榮擦身而過，他不忘在台上自嘲，「搵我頒呢個獎都幾好，我過去六度擦身而過呢個獎，而家畀我摸一摸個獎都好啦！」吳鎮宇笑言香港電影業「青黃不接」是因為劉青雲同黃秋生繼續接戲，當他宣布劉青雲得獎時，他笑言：「仲有天理嘅？劉青雲呀Honey！」

第41屆香港電影金像獎丨胡楓獲「終身成就獎」扮流口水 許冠文王菀之奪最佳男女配角【下一頁】

{{hket:inline-image name="341456514_1636376710214704_7148517504751315114_n.png"}}{{/hket:inline-image}}

劉青雲笑言：「唔使驚我唔會唱歌！」他感激《神探大戰》工作人員陪他度過好多孤獨晚上，劉青雲不忘感激太太郭藹明及家人，他說：「佢哋成日都見到神探，即係我，佢哋有超越一般人忍受能力，即係每一日接受我一次核爆。如果大家真係有夢想，肯努力，又夠長命，夢想就會好奇怪又帶點遺憾咁實現。世事豈可盡於人事，多謝熱愛香港電影朋友，掌聲同噓聲我都接受，總好過冇聲！」

至於「最佳電影」由備受爭議的《給十九歲的我》奪得，工作團隊特別讀出導演張婉婷的致謝辭，內容提到電影原本帶她走出亡夫之痛，沒想到又再進入另一個人生低谷。

{{hket:inline-image name="tg.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃寶蓮
撰文：娛樂組