第41屆香港電影金像獎丨胡楓獲「終身成就獎」扮流口水 許冠文王菀之奪最佳男女配角

91歲的胡楓（修哥）於《第41屆香港電影金像獎》中獲頒發「終身成就獎」，穿上白色西裝的修哥跳住舞上台，活力充沛，全場電影業工作者站立為他鼓掌敬致，而大會亦特別安排古巨基獻唱一首向修哥致敬的歌曲，意義重大。修哥笑言：「呢啲掌聲同紅館一樣，紅館嘅掌聲令我好興奮，呢度嘅掌聲令我好感動。」

同場加映：邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

第41屆香港電影金像獎丨楊紫瓊亮相頒獎獲如雷掌聲恭賀 10歲林諾擊敗Edan及Jer兩大偶像【下一頁】

{{hket:inline-image name="leo6.jpg"}}{{/hket:inline-image}}

修哥表示自己21歲開始加入電影圈，沒想到一做就做到而家，足足70年時間，「時間真係好長，但回首一望呢，就好似係幾個月前一樣。當初睇到報紙招考演員，去面試時同老闆傾偈，傾傾下老闆發現原來我漏口，佢話漏口唔做得主角，只能做西瓜刨，我話我拍戲時就唔會漏口呀喇！」結果一個「漏口」的他做足70年。

修哥表示自己過往跟「花旦王」芳艷芬、梁醒波等合作，更打破記錄一個粵語長片的紀錄，就是只有他跟所有女主角都合作過，「只有我胡楓先可以保持，有人話胡楓人緣真係好好，我從來唔同人爭排名、唔爭戲做，人哋話點就點，朋友笑我呢個名利圈入面咩都唔爭的話，點同人鬥？我就覺得有麝自然香，唔使同人爭！」

修哥大派金句鼓勵在場的後輩，他表示粵語長片息微的日子，他正在十字路口考慮前路應該放棄，「唔做的話，我永遠都係主角，但如果一路做落去，將來一定唔係主角，我太太點醒我，主角只係名銜，自己鍾意就去做，所以我繼續行住呢條路落去。」大會安排薛家燕為修哥頒獎，修哥非常可愛鬼馬，又扮流口水，他說：「張家輝同我講晨早就應該攞，我話呢啲要跟住逐個逐個嚟，唔好心急，既然有順序，我係『序』有應得呀！」他又拎住金像獎獎座，大唱契仔張學友的歌曲《我等了花兒也謝了》，以表達心情，獲得全場掌聲。

胡楓到後台接受訪問，他透露會跟家人和朋友慶祝得獎，有朋友笑言會燒一串長炮仗賀他，至於一班契仔契女可有表示？修哥稱：「唔知張學友知唔知我攞獎，我提吓佢；張家輝去咗第二度拍戲，話返嚟先搵我；林憶蓮就喺遙遠嘅哪方，佢祝我得到呢個獎。（永不言休？）呢個終生成就獎並唔代表結束，係代表繼續向前，將來我演戲，或者會得到最佳男配角呢！」

第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎【下一頁】

{{hket:inline-image name="35774f12-3549-405d-92c9-cb9a26c3074c.jpg"}}{{/hket:inline-image}}

{{hket:inline-image name="ea279b7e-d945-4cd0-bf42-6b7ee072db4b.jpg"}}{{/hket:inline-image}}

另外，許冠文和王菀之分別憑《風再起時》和《飯戲攻心》獲頒「最佳男配角」和「最佳女配角」獎項，許冠文坦言感激今次第一次不是憑搞笑電影得獎，「監製翁子光搵我做我一啲信心都冇，因為唔係搞笑戲，後來同老婆商量之後，佢話孫悟空都唔係應該淨識打筋斗啦！所以咩都可以發生，包括拎一個咁珍貴嘅金像獎！」而王菀之第二次獲得「最佳女配角」獎，她感激《飯戲攻心》團隊，亦感激無論電影還是唱歌都仍然選擇支持她的粉絲們。

{{hket:inline-image name="ivana1.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃寶蓮
撰文：娛樂組