陳慧琳出新歌《我的親人》搵謝君豪扮舊情人 「對方係影帝我都幾緊張」

陳慧琳（Kelly）繼早前推出歌曲《風眼》後，再推出新歌《我的親人》延續故事。今次Kelly與韓國音樂人合作製作新歌，MV更找來金馬影帝謝君豪演出，演繹一對舊情人的故事。

同場加映：林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

{{hket:inline-image name="UL04.jpg"}}{{/hket:inline-image}}

{{hket:inline-image name="UL01.jpg"}}{{/hket:inline-image}}

Kelly新歌《我的親人》延續《風眼》故事，當平靜過後，明暸關係已不如我們所想一樣，既然不能以戀人身份繼續，無奈只好視對方為親人般相處，縱有不甘、不捨也只能放手，祝福對方一切安好。Kelly表示進入錄音室時心情緊張，事關韓國團隊帶同聲樂教練一同錄音，原來她起初收到《我的親人》時，歌曲Key（定調）非常高，她笑言： 「《我的親人》個key非常高，我問聲樂教練『係咪真係要唱呢個key㗎？』佢叫我練習用呢個key。咩話？呢個係嗌破喉嚨嘅key啊！」Kelly秘密練兵，她說：「始終面對韓國人，唱歌時不可以太失禮，盡量發揮。可能我練習咗一年幾，唱完後他們都拍手讚好，我即刻放鬆晒。」監製BEA YEOUN HEE在聽完Kelly第一次演繹後，大讚她的聲線heart warming（窩心動人）。

{{hket:inline-image name="UL06.jpg"}}{{/hket:inline-image}}

Kelly指林若寧操刀的歌詞同樣令她感觸非常，坦言每次聽到或唱這首歌曲時都有夭心夭肺的感覺，「因為當一個曾經愛過嘅人，依家變成親人，真係很慘，係十級嘅慘！」《我的親人》MV延續《風眼》MV的故事，在《風眼》MV最後一幕的身影，其實就是今次的男主角謝君豪。劇情指Kelly與謝君豪是舊情人，年輕時謝君豪留下一張寫上「Forget Me」的明信片後不辭而別，令Kelly心裡鬱結多年。到二人多年後再次聚頭，舊畫具、明信片等等物件再次出現，可惜人面全非，二人如親人般以禮相待，彼此明白到關係無法回到當年。

{{hket:inline-image name="UL02.jpg"}}{{/hket:inline-image}}

Kelly笑言與謝君豪合作感到壓力，但過足戲癮，她說：「謝君豪係影帝嘛，所以今次都幾緊張，雖然現場無收音，但我們係有對白、有走位，感覺上係拍戲。我喺MV結尾個笑容其實拍咗兩take，一take係心情複雜嘅強顏歡笑；另一take就直接啲、釋懷咗嘅笑容，最後導演揀咗第二take，唔想故事太沉重。」

撰文：李潔盈