抱抱無尾熊丨Ian陳卓賢稱不太喜歡被指似樹熊 新歌送Hellosss豁出去扮可愛

MIRROR成員陳卓賢（Ian）自今年1月推出單曲《再見寧靜海》後，昨日再有新歌《抱抱無尾熊》，MV在昨晚於YouTube上架，截至今日中午12時，錄得逾26萬點擊率，隊友姜濤在IG限時動態出post大讚Ian新歌好聽，「哥，這首真的可以！」

同場加映：

極度俏郎君丨保錡厚面皮向宣萱求包養被拒 ERROR搞笑有料姜皓文心郁想拍綜藝

{{hket:ul-video id="7965"}}{{/hket:ul-video}}

{{hket:inline-image name="IMG_2894.JPG"}}{{/hket:inline-image}}

{{hket:inline-image name="5253454.JPG"}}{{/hket:inline-image}}

《抱抱無尾熊》是送給Hellosss（Ian fans暱稱）的一首歌，亦是出道作《二期大樓》的2.0版，Ian除了負責作曲、編曲和監製外，同時在MV中變成可愛樹熊，他說：「《二期大樓》係形容一路支持我嘅人，喺我背後backup住我，等我可以向前開拓自己嘅路。經歷幾年之後，關係昇華咗，變成咗樹同樹熊之間嘅關係。樹係樹熊生命中不可或缺嘅一樣嘢，變成可以依賴。」

陳卓賢自揭童年患ADHD超硬頸 MV開水喉狂喊：帶住呢個遺憾終老【下一頁】

Ian表示由出道到現在，被指似樹熊，坦言不是太喜歡，覺得有點奇怪，「身為男子漢無啦啦畀人話似樹熊，好似有啲太得意喇！今次OK啦，為大家做一次樹熊，認係樹熊一次啦！」

MV中，Ian戴上針織樹熊帽登場，他解釋：「拍唔到真正嘅樹熊攬住棵樹，所以導演揀咗用劇團形式呈現出嚟，導演原本想我親身演，我就係嗰隻樹熊，女主角鍾雪就係嗰棵樹，經過討論之後，小朋友做呢啲角色都幾好，我哋就可以抽身出嚟，小朋友做得意啲。我都要戴樹熊帽同咬樹葉，配合故事發展。」

Ian陳卓賢拒除罩同Do姐合照有苦衷 怕屋企小朋友尖叫：要準備耳塞【下一頁】

{{hket:inline-image name="IMG_2899.JPG"}}{{/hket:inline-image}}

小朋友參與其中，Ian見他們流露出愉快笑容，表示：「其實我都鍾意同小朋友玩，但一開始埋位要冷酷少少，我比較慢熱，所以冇乜同佢哋一齊玩喇！佢哋全部都好得意，有啲好怕醜，我同佢打招呼，會匿喺其他人後面，然後偷望我，好得意！同佢哋合作幾開心。」對於邀請了鍾雪、麥沛東參與演出，Ian開心地說：「鍾雪拍《無限斜棟有限公司》嗰陣我哋合作過，對戲戲份唔多，今次第二次合作。同麥沛東第一次合作，最近都有睇佢一啲電影演出，係好值得欣賞嘅演員，要多多留意佢哋嘅作品，我好開心佢哋可以參與我呢個MV演出！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】