男子組合MIRROR成員陳卓賢（Ian）最近推出新歌《地球上的最後一朵花》，MV在MIRROR的官方YouTube頻道上架後，截至今日早上，已經錄得460多萬的點擊率。昨日（1日），Ian在商台接受鄭裕玲（Do姐）主持的《口水多過浪花》訪問，透露自己的皮膚和對聲音都很容易敏感。
同場加映：岑麗香獲大仔英雄救美讚Man爆 未敢再生B：怕自己處理唔到
Do姐在訪問中表示跟Ian合照前，獲對方告知不能除口罩，Ian透露因為自己皮膚敏感，「一年總有一兩次係咁，我唔知係咪因為轉天氣，我唔知係咪白到敏感，我唔可以搽比較有化學成分嘅用品，但係我會護膚，我會用比較天然嘅嘢。」
Do姐提到有時片場會較為不潔淨，Ian指自己是個高度敏感的人，「有時我對聲音，嘈少少，我就頭痛一日，譬如我同屋企人食飯，我啲阿哥、家姐都有小朋友，同小朋友見面，佢哋打招呼都係尖叫，我就會即刻頭痛，頭痛一晚，不過我都會攬住佢哋嚟錫，只不過下次要準備個耳塞。」由於經常擔心皮膚敏感， Ian透露家中會長期準備已雪凍的面膜，他笑說：「以前做嘢嘅時候，我會雪凍一罐罐嘅汽水，有一次我拎住嚟敷面，姜濤走埋嚟問我做咩事，我話牙痛，點知佢就信咗！」
Ian為中學師弟添置運動裝備 窩心舉動感染hellosss：將愛傳遞下去【下一頁】
Ian向來都喜歡打籃球和排球，但他自爆由細到大都很少流汗，「我覺得唔係好健康，汗腺可能有啲閉塞，排唔到毒。」Do姐問他有沒有身體檢查？Ian認為自己是時候要做，續說：「平時一齊唱跳，大家都濕晒，滴晒汗，但我又冇。」Do姐指Ian的身體構造有點奇怪，皮膚敏感、耳仔敏感、不流汗，問他是否會容易生病？Ian說：「好少病，好似都ok。捱得？都係，長時間要我做嘢都幾開心，反而放假會冇乜嘢做，都係寫歌、聽歌、食嘢。我冇乜點出街，最多都係online shopping，我幾怕出街shopping。其實我未入行已經係咁，鍾意匿埋，特別係節日，好驚多人，而家更甚。我好鍾意獨處，我可以一個人去旅行，亦試過一個人睇戲食飯；早排落雨，我好享受，自己坐喺個廳度，望住出面落雨，播歌、點蠟燭，好舒服！」
暖男Ian@MIRROR心掛掛Fans驚喜現身生日會 「好多謝大家一路以嚟嘅陪伴」【下一頁】
不過Ian愛靜的個性，MIRROR成員早已習慣，「大家識我開始，就知我唔係好出聲，例如《全民造星》99強，我係完全冇出過聲，我諗有啲人以為我係咪有咩唔開心，但其實我冇，可能見我嬲爆爆，但其實我諗緊頭先塊雞扒幾好食喎，哈哈哈！」與11位隊友相處4年，他們早已了解Ian的個性，如見到他戴上耳機走到一角，就知道Ian在思考或者要埋頭寫歌，會給予他空間。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】