愛回家丨金城安攞獎冇多謝媽咪被寸忘本 周嘉洛疑被影射：得罪編劇？

處境劇《愛回家之開心速遞》的劇情不時諷刺時弊或者惡搞社會熱話，繼早前隔空影射袁偉豪低EQ面對負評，以KC（歐瑞偉 飾）一角說出袁偉豪的金句「我欠咗你班傳媒呀？」效果相當突出。之後袁偉豪反寸編劇冇題材，最終另一集再出擊狂寸KC「軟飯王」，火藥味十足。日前一集「金城安遲來的道謝」，金城安（周嘉洛 飾）隔了一段長時間再次「閃現」，不過無論劇情或是對白，都反映出做人要飲水思源的道理，有網民認為是影射他離開《愛回家》劇組往外發展，編劇疑似勸告他不要忘本。

同場加映：

林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

周嘉洛離開《愛回家》2年千呼萬喚 得罪阿媽熊尚善成回家伏線？【下一頁】

{{hket:inline-image name="ka9.jpg"}}{{/hket:inline-image}}

{{hket:inline-image name="b25160ac-25df-4490-91d1-786dfc424a91.jpg"}}{{/hket:inline-image}}

{{hket:inline-image name="ka6.jpg"}}{{/hket:inline-image}}

嘉洛近日忙於為古裝新劇《痞子無間道》開工，他跟拍檔王灝兒（JW）、朱敏瀚（朱仔）和黃子恆接受無綫娛樂新聞台訪問，問及是次疑似遭到影射，嘉洛大方回應：「呢樣嘢我就真係唔知喇！我唔知係咪真係唔覺意得罪咗編劇編審喇，我冇take it personal（冇當係自己）嘅，睇到劇本時反而覺得佢寫得好好，所以我演嘅時候或者『做功課』時冇一顆覺得佢哋針對我嘅心，用金城安身分去演好佢。我唔知佢有冇呢個隱喻，睇完大家評論之後再強化一種感覺，『果然唔係我一個睇到』，演嘅時候我冇特別放大呢個感覺。」嘉洛表示《愛回家》向來是有表現力的處境劇，如此安排也沒問題。

嘉洛回應時全程尷尬傻笑，句子斷斷續續，拍檔JW一邊食，一邊一忍不住幫口︰「我有投訴！本身一直都話搵我哋客串，點解唔真係搵我哋呢？」嘉洛笑言，估計是大家太忙難以遷就檔期，朱仔也笑言《愛回家》中的「吳旺達版」敏瀚、灝兒同阿瀅演出他們本身的神髓。

{{hket:inline-image name="ka7.jpg"}}{{/hket:inline-image}}

{{hket:inline-image name="ka8.jpg"}}{{/hket:inline-image}}

鄭裕玲聞無綫預告裁員封口 周嘉洛稱士氣未損：拍劇忙到沒日沒夜【下一頁】

幾位演員受訪的時候似乎是「休息」時間，各人都爭取機會「放飯」，嘉洛全程拎住個空空如也的碗，而JW拎住碗粉一邊食一邊受訪，當記者問嘉洛問題時，她直接背向鏡頭瘋狂進食，黃子恆則全程飲住咖啡非常Chill。有網民認為幾位工作太忙，這樣子接受訪問有欠尊重和禮貌。

其實網民對嘉洛短暫「回歸」《愛回家》都非常開心期待，由於他劇接劇忙過不停，相信將來冇乜機會好似以前咁樣「長駐」熊家。

{{hket:inline-image name="ka2.jpg"}}{{/hket:inline-image}}

{{hket:inline-image name="ka3.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組