周嘉洛認「金城安」後期重複變捱 否認三大緋聞女友：曾經有感覺但...

周嘉洛憑《愛回家之開心速遞》的「金城安」一角而人氣急增，隨後獲安排接拍《痞子殿下》、《回歸》、《新四十二章》等劇集，更先後兩次破紀錄成為台慶頒奬禮「最佳男配角」及「我最喜愛電視男角色」的最年輕得獎者，風頭一時無兩。周嘉洛近日接受商台《星光背後》訪問，大談工作及緋聞。

同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力

{{hket:ul-video id="7639"}}{{/hket:ul-video}}

胡定欣頒獎禮被指不滿黑面急澄清 周嘉洛大方回應：講我都唔信【下一頁】

{{hket:inline-image name="KALOK.jpg"}}{{/hket:inline-image}}

周嘉洛自認中學時期一如「廢青安」，後來入行後先後拍過三輯《愛回家》的周嘉洛指，對於兩年前因拍《痞子殿下》需要告別「金城安」，他說：「演戲係我興趣，拍處境劇曝光率高，收入同返工時間都穩定，媽咪唔需要為我擔心，每一天都開心，我好感恩好好運。但講到離開，我係想嘅！因為做一件事重複好耐就變成捱，金城安最後亦到咗嗰個階段，縱使我好感恩都好，金城安做到第四、第五年都會攰，真係做到『滑牙』。我明白好多人想入處境劇，我清楚自己好幸福，所以人係犯賤，穩定耐咗就想變。」

{{hket:inline-image name="54511542_568617830291553_7922508457110048722_n.jpg"}}{{/hket:inline-image}}

{{hket:inline-image name="135055546_1716152461880251_2886236509197586985_n.jpg"}}{{/hket:inline-image}}

七年來，周嘉洛出名工作態度好、有禮貌、零負面新聞，他坦言深受訓練班導師鄭丹瑞的格言「做人緊要過做事」影響，但對於入行以來先後與拍檔包括林凱恩、蘇韻姿及陳瀅等傳緋聞，他說：「冇一個係真！都係好朋友，玩得埋有緋聞係無可避免，如果我只係同男同事玩得埋，就會傳我係基。七年嚟我冇同圈中人交往過，但感覺曾經有嘅，但我心態好明確，事業行先，唔想發生一啲事影響自己，因為太多先例，感情處理得唔好就會有影響。所以感情上，都係想保持距離先。」

無綫節目巡禮2023︳周嘉洛成力捧小生 7齣劇佔3齣 視后蔡思貝谷胸VS胡定欣靚背【下一頁】

被問及單身了多久，周嘉洛說：「我拍過三次拖，其實我入行後都有拍拖，不過係同圈外人，由《八時入席》之後開始，到《開心速遞》就完咗，之後一直都今日都單身咗一段時間。（分手原因？）始終圈外圈內世界唔太一樣，話題都唔同，隨着自己年紀成長，同對方價值觀磨合有出入，變咗行唔到落去。坦白講，三、四年前自己好年輕，感情方面處理得唔成熟，但都係有傾有講和平分開。」

{{hket:inline-image name="324948664_1239764163419131_3971530105330978103_n.jpg"}}{{/hket:inline-image}}

周嘉洛坦言理想對象「講感覺」，作為家中三姊弟唯一男丁，他承認曾被母親催促組織家庭，「媽咪想湊孫，我哋傾偈時，佢成日叫我快啲正經搵番個生番個畀佢，但我唔心急，我認為要到我經濟能力確保到照顧媽咪之餘，亦要確保到一定有好嘅成長環境先會諗。生小朋友要負責任，我希望有生之年能完成佢做嫲嫲嘅夢想。」

{{hket:inline-image name="310859430_673846720745236_4009728539286055558_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉