洪永城組美滿家庭兼升呢做老闆 囡囡Amber腳粗特訓做舉重選手？

洪永城三十而立，於去年跟梁諾妍結婚，拉埋天窗擁有自己的家，太太為他誕下如餅印、擁有「Sir Face」的女兒Amber，加上愛犬一家四口樂也融融。有了家庭，他又開始建立新的事業，向商界發展，與太太開拓自家品牌的護膚品生意。他滿意現時的生活進度，踏上如期的軌道上，向美滿的人生進發。

{{hket:inline-image name="unknown_313740244_532670108193587_4013903190347890915_n.jpg"}}{{/hket:inline-image}}

{{hket:inline-image name="unknown_323178361_168405345891926_3564067486166496791_n.jpg"}}{{/hket:inline-image}}

{{hket:ul-video id="7410"}}{{/hket:ul-video}}

39歲的洪永城，2005年已經入行，曾分別在有線和Now TV主持節目，又試過做公關；直至2012得到當時任職助理總經理（非戲劇製作）余詠珊的邀請，而轉到無綫工作，現時更開始營商，與太太梁諾妍開創了護膚品牌，近日終於有pop up實體店。家庭、事業都令他忙得很，要兼顧很多事情，惟有放棄自己的私人時間：「的確好難分身，你見我透呢啖氣都好deep（深），無辦法，瞓少幾個鐘冇得打機都要處理呢啲嘢，包括家人、老婆相處、夫妻經營，要陪個女玩。如果唔係，佢大個唔認你，老咗冇人照顧我，而家諗讀書、搵學校。家人一定係（排最前），呢個無可厚非，做咁多嘢都為屋企，為下一代。如果有時間食飯、打波，我會選擇返屋企陪女。」

{{hket:inline-image name="0001-12.JPG"}}{{/hket:inline-image}}

{{hket:inline-image name="0001-15.JPG"}}{{/hket:inline-image}}

黃翠如洪永城心靈相通同步甫合照 再次被指「戀人未滿」無奈回覆【下一頁】

梁諾妍孖洪永城帶「sirface」慶生 契媽黃翠如：越嚟越似momface【下一頁】

女兒雖然得一歲多，但洪永城已經為她計劃讀書的事情。他讚女兒學習力很高，而且反應快，雖然會讓女兒自由發展，但他跟太太都對女兒有期望，仍然帶點不正經的他笑言：「我見阿女好快可以行，甚至郁動，好amazing ，我見佢隻腳好粗，有潛質做金牌選手，我曾經建議送佢去內地練健身、舉重，但屋企人拒絕畀佢做舉重運動員，跟住之後ban咗。老婆想佢做運動員，想佢打網球，我諗朝住運動方向行，佢遺傳到媽咪基因，希望佢可以喺體育上有成就。」

{{hket:inline-image name="unknown_321435066_1062448941284799_998560547838655380_n.jpg"}}{{/hket:inline-image}}

{{hket:inline-image name="unknown_213798495_146537224216840_1982534632018614646_n.jpg"}}{{/hket:inline-image}}

洪永城今個農曆新年不用開工，可以跟家人一起在港度歲。以往他都會去親友家中拜年，但今年洪家增添「新力軍」，他已經準備好教女兒出動，當他在不斷「狂派」時，有女兒Amber做「搏派」幫補：「我好早開始準備定，呢半年嚟晚晚教佢一個動作，呢個農曆年就靠晒佢喇!」過年後，他便立即要工作，飛到南美洲拍攝新的旅遊節目。在Amber初生不久後，他試過離家多月，當回家時女兒已忘記他的樣子，一抱即喊。經此一役，他有信心不會再發生，還聲稱已為節目改名為《拋妻棄女去旅行》。

{{hket:inline-image name="0001-31.JPG"}}{{/hket:inline-image}}

{{hket:inline-image name="unknown_324234222_1568575920310835_5259944313446453929_n.jpg"}}{{/hket:inline-image}}

即將踏入「四十而不惑」之時，洪永城滿腹計劃，希望在演藝事業遇到好劇本、好角色外，亦想繼續做節目監製，多創作一些天馬行空的題材。至於護膚品生意剛起步，亦會默默耕耘：「上年結婚有個好會自力更生的好老婆，又有得意BB，好多嘢都on Track喺美滿的人生。」讀Marketing出身的他才剛開始發展自己的生意，故有向朋友學習，亦想透過自己在娛樂圈多年建立的人脈網絡去經營。他指十年前去英國旅行，認識一對出產天然護膚品的夫婦，兩年前太太萌生念頭創作品牌。做老闆事事都要親力親為，他慶幸過程中，並沒有遇過很大的挫折，遇到困難時都有一班經驗豐富的團隊幫忙。

洪永城亦為了做生意買了很多參考書籍，更報讀一些相關的網上課程，不過把所學實踐和運用出來，實在不容易：「做生意我就發掘到自己缺點多過優點，有時猶豫，有時要做決定唔夠信心。同埋以現時巿場趨勢，我讀business出身，都要由頭學過。做生意過程中，好可惜暫時搵唔到自己優點，太多人優秀過我，但溝通同人脈上我會比較好少少，用呢幾年識嘅叻人、同埋商界嘅人，之前做旅遊節目，識唔同人，幫忙建立品牌，如果遇到一啲適合嘅朋友，可以諗吓crossover ，希望呢樣嘢可以帶到優勢。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連

攝影： 陳健珊、 王華婷