精裝追女仔丨馮淬帆形容拍爛片為「一生恥辱」 鬧王晶「王八蛋」害人：那是鬧劇

現年77歲上世紀90年代電影明星馮淬帆定居台灣超過30年，5年冇拍戲嘅佢參與《蝴蝶大廈》拍攝工作，近日於台灣出席開鏡儀式，一現身就強調希望各位記得佢係台灣人，更大鬧王晶以及直指早年自己於香港拍攝嘅喜劇片係「一輩子的恥辱」，惹嚟熱烈討論。

同場加映：

周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

馮淬帆透露受到疫情影響，已有5年冇拍戲：「推掉的很多，之前有香港電影公司找我，但想到疫情還要去香港？我就拒絕了。」又有提到台灣網民好鍾意提起佢於《最佳損友》用生果代替粗口嘅經典對白，佢本人就唔係好喜歡，「我以前接了很多爛戲，是我一輩子的恥辱，我發誓我再也不演喜劇，演反派、大爛人我都願意演。那些鬧劇鬧到離譜，聽到『搞笑』兩個字我就討厭。」提到王晶佢仲勞氣回應：「那些根本不是喜劇！鬧劇鬧到根本不是人的戲，王晶那個王八蛋，害太多人很慘。」重申拒絕再拍喜劇，「我很想演大反派，希望在我走之前，最後能再演一部。」

{{hket:inline-image name="What.jpeg"}}{{/hket:inline-image}}

馮淬帆早喺2007年接受訪問時坦言係為「五斗米折腰」先狂接自己從來都唔喜歡嘅笑片，80年代一系列搞笑電影令馮淬帆被封「笑匠」，佢都不明所以。

馮淬帆同王晶嘅合作始於1984年嘅《癲鳳狂龍》，之後再合拍多部電影包括《最佳福星》、《俾鬼捉》、《爛賭英雄》、《精裝追女仔》、《精裝追女仔2》、《最佳損友》、《求愛敢死隊》、《最佳損友闖情關》、《捉鬼大師》、《精裝追女仔之3狼之一族》，一共12次，當年對住嘅時間都唔少呀！

網民就大多數都唔多Buy馮淬帆嘅講法，認為當年拍嘅戲都未去到佢口中所講嘅「恥辱」咁不堪，留言：「無可否認你係靠王晶啲片先有人識」、「佢演員生涯嚟講，王晶嘅戲算係最有代表性」、「點笑穴、收縮水、船頭尺茶煲、石膏像……全部同佢有關嘅印象都係呢啲」。

撰文：黃蘊姿