《大開眼界》｜炎明熹白色情人節推出苦情歌 A0 Gigi佛系對待愛情：唔使咁急住拍拖

白色情人節理應是甜蜜滿載的日子，炎明熹（Gigi）卻於3月14日白色情人節這天，推出苦情歌《大開眼界》，以A0旁觀者身分唱出愛情中的苦澀，提醒人們別為愛情而無限退讓，最終失去自己之外，也是親手為這段愛情劃上句號。

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

歌詞內一句「而最終討得你的歡喜 漸漸地淡忘自己 難道變做了你 世界都只得你」，道出為另一半不斷下調自己底線的卑微愛情觀。雖然尚未踏入愛情世界，Gigi仍可唱出愛情虐心一面，她指一切都要歸功於作詞人曰云（Anita Chung），Gigi：「填詞人有同我講內容，講完我明白少少道理，睇完成個故事，拍拖時，一方唔可以過於卑微，唔可以一味去付出。只要嗰個人鍾意你嘅話，係唔會要你咁樣做。」

{{hket:inline-image name="89809.jpeg"}}{{/hket:inline-image}}

Gigi認為，在愛情中，能與第一個遇上的人私定終生，是一件非常難等的事，她覺得猶如新歌歌名一樣，大開眼界，說︰「睇一下更加廣濶嘅世界，可能都係好事，唔會畀任何事物框住自己。」對於在白色情人節推出慘情歌，Gigi表示：「愛情入面除咗有sweet嘅moment，亦都有令人痛心時刻，首歌係提醒男男女女，唔好因為愛而迷失自己，太忍讓其實都會為另一半帶嚟壓力。」

17歲仍在求學的Gigi，未曾遇上初戀，她想像到將來若是遇上自己很愛很愛的人，願意為對方作出妥協，不過若然對方要自己一再下調底線，「理性指出係時候反省」，想清楚對方是否真的喜歡自己，續說︰「咁樣會覺得自己太過卑微，只係自己去付出，而唔係大家一齊去付出，如果佢係足夠愛我嘅話，咁改嘅應該係佢而唔係我。」

Gigi明白未真正經歷過愛情，是很難真正理解當中的感覺及情緒，笑言自己在感情事上是抱着佛系心態，「唔抗拒戀愛，好想體驗一下各種情緒，為人生加一啲故事。我比較佛系，拍拖呢樣嘢可以唔使咁急住，佢嚟就接住佢囉，佢唔嚟都冇所謂。」

出道至今推出多首歌曲，相信一眾Gi炎粉都相當關心偶像何時會推出CD？對此她表示待公司安排，懇請一眾Gi炎粉耐心靜候。

無限超越群星演唱會｜炎明熹希望與「偶像」黃宗澤合唱 林保怡陳慧珊相隔5年再合作【下一頁】

撰文：娛樂組

圖片來源：大會提供