中年好聲音丨張佳添冇跟爸爸張森叔叔張沖拍電影 沉醉音樂 兩度離婚與前妻關係好

《中年好聲音》的評判之一張佳添，過往不時都為參賽者提供不少寶貴的意見，雖然他笑容不多，不過他的評語相對幾位評判較為正面，特別是他在比賽後偶爾會拍YouTube片段，跟網友們細心分析參賽者的表現，吸引不少觀眾支持。張佳添近日接受港台節目《守下留情》的訪問，大談他的入行經過和近年做評判的感覺。

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

中年好聲音丨周吉佩情人節活動獲太太仔女撐場 靚靚老婆原來係2007年落選港姐【下一頁】 

{{hket:inline-image name="17_600.jpg"}}{{/hket:inline-image}}

張佳添的爸爸是著名導演張森，叔叔是著名演員張沖，不過他沒有被影響而從事電影行業，反而醉心音樂，他在訪問中表示：「細個記憶係爸爸工作冇定時，成日唔喺香港，爸爸係好有責任，擔起頭家養大我哋，佢好勁供到我同家姐去外國讀大學。佢喺屋企寫劇本同小說，我有睇過佢啲稿，細個最深印象有一次帶演員同攝影隊返屋企拍戲，演員就係夏春冬，事後去外景探佢班都見過周潤發，當時拍緊《池女》呢個戲。」他表示爸爸是一名書蟲，家中很多歷史書，「爸爸做電影，我做音樂但異曲同工，工作非常唔穩定，佢係比較悲觀嘅人，但我個人偏樂觀。」

張佳添自爆雖然有寫過歌詞，但文采麻麻，他自細受家姐影響之下聽好多英文歌，大學時亦副修英文，每星期都聽收音樂追住《American Top 40》數榜，把歌曲都抄下來，問到當年會否「藐」中文歌，他笑認：「當年真係有，心態覺得點解成日都要翻唱英文歌咁冇創意？啲編曲又搬字過紙咁！」他表示畢業後只打過兩份工，先在有線新聞台做導播，後來在學校做英文老師，之後就自由身做音樂至今。

中年好聲音丨吳大強獲五燈晉級自爆係「Gi炎粉」 網友促父子合唱 吳偉豪：一定有機會【下一頁】

張佳添跟林健華和陳偉剛組成樂隊「Black Box」，可惜因唱片公司架構重整而影響星途，隨後他轉戰幕後，最為人熟悉的是他為古巨基多首經典作品，張佳添爆料說：「其實《第二最愛》原本寫出嚟之後，唱片公司係安排畀梁朝偉唱，後來古巨基聽完好鍾意就搶走首歌。唔知點解，以前寫啲歌陰陽怪氣好多假音，咁啱撞正基仔假音發揮得好靚，完全係無心插柳。」隨後寫了《羅馬假期》、《天才與白痴》、《天氣會變》、《飄流教室》等等，為古巨基的歌唱事業打下穩定的基礎。

{{hket:inline-image name="31474756_214992172434625_8708456989081993216_n.jpg"}}{{/hket:inline-image}}

{{hket:inline-image name="123527246_202762721260417_3915398918577799047_n.jpg"}}{{/hket:inline-image}}

張佳添表示後來前妻黃敬佩鼓勵他多寫K歌，原本都鬥氣不肯寫，因為覺得好低俗，後來才發現K歌不容易寫，亦不希望跟錢作對，他就去卡拉OK不斷聽K歌，「有一日揸車突然腦入面彈旋律出嚟，就喺車上三分鐘一Take過用錄音筆錄起，呢首就係《死性不改》，人哋問我幾耐寫起，我答佢3分鐘！」他表示這首歌幾乎是他收的版稅之中最多的一首。他在12年前《亞洲星光大道》獲邀擔任評判，多添了「添Sir」這個稱呼，亦令他踏上歌唱老師的道路。

張佳添坦言人生最重要是懂得感恩，「上天好眷顧我，縱使有高低起跌，我都有飯食，又養到兩個女，年輕時心態太多憂慮又著重名利，但搵錢最多時唔係我最開心嘅時候，人大咗凡事學識感恩，特別係疫情呢三年，幾多人失業，但我個心好平靜，婚都離過兩次啦，但我感恩我同兩位前妻關係好好，兩個小朋友健康快樂，的確有啲生意真係冇咗，第五波之前原本傾好去內地比賽做評判加活動，有成10萬以上，突然冇咗，咁惟有隨遇而安啦！」他表示原本YouTube得幾百人，後來因為《聲夢傳奇》講評語被剪走，他改到YouTube作詳情分析，沒想到累積1.5萬人訂閱，「做人唔好諗太多，想做就好，唔好被過去纏住你，咁樣會封鎖你好多未來可能性。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉