炎明熹任《小學校際常識大賽》大使 自認無常識：我想重讀小學

炎明熹（Gigi）向來受小朋友歡迎，最近她獲邀擔任《小學校際常識大賽2023》活動大使，更接受小學常識大考險。輸了比賽的Gigi坦言懷疑自己的常識程度，更自嘲要重讀小學。

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

{{hket:inline-image name="gigi1.jpg"}}{{/hket:inline-image}}

{{hket:inline-image name="gigi2.jpg"}}{{/hket:inline-image}}

為了測試炎明熹是否一名「常識王」，新城知訊台早前舉辦另類版《小學常識問答比賽》，由節目主持人陳以禔向Gigi下戰書，以掟飛鏢形式作答，Gigi最終以一分之差輸給主持人，令她十分懷疑自己的常識程度。Gigi笑說︰「比賽中有幾條問題，例如邊種海上交通工具唔係由香港去澳門，呢啲竟然係小學常識？依家嘅小學生常識程度真係好犀利，令到我好想重讀小學。」

{{hket:inline-image name="IMG_8861.jpg"}}{{/hket:inline-image}}

{{hket:inline-image name="1.jpg"}}{{/hket:inline-image}}

Gigi早前接受新城節目《人仔細細》訪問，大談校園生活趣事，原來她最有興趣的科目，竟然不是音樂科。她說：「我讀書時一直對時裝設計有興趣，因為我發現自己想像力豐富。我好鍾意時裝設計，因為可以利用唔同嘅設計、剪裁、顏色同布料，製造唔同嘅服裝，所以我揀咗修讀時裝設計與紡織科，可以自己設計服飾。我希望將來有機會可以着住自己設計嘅衫，出席唔同嘅活動。另外，我最驚數學科同英文科，每次考試都會驚到瞓唔着。」除了想做時裝設計師，Gigi兒時的「我的志願」原來是護士，全因她受任職護士的媽媽影響，培養喜歡照顧別人的特質。

撰文：李潔盈