《愛是...2.0》︳好青年荼毒室獲邀合作懷疑騙局 同鄭秀文網上開會影Mon留念

「好青年荼毒室」得到天后鄭秀文（Sammi）邀請，重新炮製近20年前的經典作品《愛是...》，成員豬文、鹽叔和阿泉以哲學角度講愛情，合力締造《愛是...2.0》。三子大爆最初收到邀請時以為對方是乃電話騙徒，就算後來見到Sammi本尊仍未感真實，覺得好夢幻又神奇。

同場加映：

中年好聲音丨韋綺姍為家人毅然放棄歌唱事業 中年再出發臂助追夢者更添意義

{{hket:ul-video id="7754"}}{{/hket:ul-video}}

{{hket:inline-image name="IMG_8981.JPG"}}{{/hket:inline-image}}

{{hket:inline-image name="IMG_8948.JPG"}}{{/hket:inline-image}}

「好青年荼毒室」由13位研讀哲學的年輕人組成，自2016年起在不同平台主持節目及發表文章，討論哲學；這次參與《愛是⋯2.0》創作的豬文是牛津大學博士、鹽叔是倫敦國王學院博士生、阿泉是香港中文大學哲學系博士生。鹽叔表示：「好多謝Sammi邀請我哋。最初第一個係聯絡我嘅，然後我通知其他人，大家都懷疑係詐騙！試諗吓『鄭秀文搵我哋唱歌、寫詞，仲話一齊Rap』，直到同Sammi網上開會，以為感覺踏實啲啦，但唔係...同Sammi網上開會喎？對我哋嚟講好震憾。到而家見到真人都仲係戰戰兢兢。」

流水落花│鄭秀文自嘲平胸玩上癮搞爛gag 笑問導演「鄭秀文籍貫」係咩？【下一頁】

豬文笑指開會時，眾人不約而同拍下熒幕畫面留念，「我不斷反問自己『點解鄭秀文喺度』、『點解我哋一齊開會』，然後我見到Sammi都有影番我哋，好神奇。」阿泉則說：「其實到今日我仍然覺得成件事好神，好開心，冇諗過會穿呢啲衫、束辮，同Sammi一齊唱歌和拍MV。我哋好認真去寫rap詞，期間好多創作意念走出嚟，寫咩角度？以對話方式？會唔會有第三個立場？諗咗好多嘢。」

（↓點擊放大睇圖片↓）

Sammi聲稱自己是「好青年荼毒室」節目fans，說︰「有一日，我喺屋企忽發奇想，諗起我首歌《愛是...》經歷20年之後，想喺呢首歌入面搵一個『愛』嘅答案，我好希望從哲學角度出發，然後就諗到『好青年荼毒室』。我一直有睇佢哋嘅節目，係佢哋嘅擁躉。我透過佢哋節目，對哲學多咗認識。請佢哋寫呢首歌rap嘅部分，三位都係讀哲學，搵佢哋寫就最恰當。詞方面，佢哋真係寫得好好。」她想到不妨由對方rap埋，「唔知道佢哋rap唔rap到，我係有啲戰戰兢兢，佢哋話『會去學，會嘗試去做』。佢哋搵真正rapper朋友去認真訓練，好有誠意，落咗好多功夫，效果令我非常滿意。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】