郭富城否認係「Ｋ先生」借錢拍《正義迴廊》 鄭秀文零片酬拍《流水落花》回饋影壇

郭富城（城城）和鄭秀文（Sammi）今日出席珠寶概念店揭幕活動，日前電影《正義迴廊》監製翁子光自爆獲「K先生」借出100萬拍攝該片，引來網民競猜誰是K先生，城城及古天樂更成熱門人選；不過城城今日開腔否認，強調會以演員身份支持新導演。

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

{{hket:inline-image name="125.jpg"}}{{/hket:inline-image}}

郭富城戴黑超及佩戴鑽飾現身，他表示受太太方媛影響，近年也愛上鑽飾︰「當自己年紀再成熟啲，都會揀啲優雅鑽飾，戴咗氣場都好啲。」城城自言每年送鑽飾賀太太生日，亦會送小朋友鑽飾給兩名女兒，問他會否幫囡囡儲定嫁粧？他說：「交畀太太，佢30幾歲仲年輕，依家享受戴鑽飾，等囡囡年紀大啲，佢到時再交畀囡囡，（母女）可以輪流戴。」

{{hket:inline-image name="126.jpg"}}{{/hket:inline-image}}

提到翁子光口中的「K先生」成謎，城城笑着反問：「點解佢（翁子光）唔開名呢？（網民估係你？）唔係我喎，我都無投資電影，咁已經水落石出啦！我支持新導演係喺演戲方面，做個好演員。」另外，城城透露已入紙申請紅館明年年尾的檔期︰「希望成功啦，頭先上台都好想跳兩下，好期待。」對於ERROR有意邀請他做演唱會嘉賓？他一臉漠然稱︰「ERROR？唔知喎，要問番經理人。」

{{hket:inline-image name="ed616a6a-2c53-4ac1-93a3-7691a7756188.JPG"}}{{/hket:inline-image}}

而Sammi則透露喜愛用首飾襯衫，問她老公許志安可有送她鑽飾？她表示︰「我鍾意食飯多啲，或者去旅行，飲下酒，到肚好似開心啲。」提到她早前接拍新晉導演賈勝楓的《流水落花》，Sammi自爆自己是零片酬，她說︰「我係免費幫佢拍，成件事意義好大，第一好想幫香港新晉導演，第二我自己相當鍾意個劇本，所以乜都無考慮就拍，回饋電影圈。」

撰文：倪小珊