老友鬼鬼丨李國麟講解「窿哥」花名由來 初入《歡樂今宵》冇得NG驚到震

現年68歲的李國麟，1974年報讀第4期無綫藝員訓練班而入行，同期同學有杜琪峯、黃杏秀、潘嘉德、劉仕裕、談泉慶等。一直以來，他有個花名叫「窿哥」，李國麟接受鄧英敏主持的網上節目《老友鬼鬼》訪問，細說花名的由來。

同場加映：中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="12.JPG"}}{{/hket:inline-image}}

藝員訓練班出身的李國麟，指班裡有很多導師，「有教時代曲嘅秦燕、葉惠康教樂理，戲劇組有King Sir（鍾景輝）同后叔（陳有后）。現代舞有Ming Sir（劉兆銘），司儀就有胡章釗，仲有教古代舞嘅鍾浩老師；至於『阿窿』呢個名點嚟，因為秦燕老師（教時代曲）係外省人，講廣東話唔正，而我一啲唱歌技巧、細胞都冇，佢就最鍾意針對我，成日叫我出去，『你國窿，你出嚟唱畀我聽！』所以『你個窿』就『窿』到今日。」

李國麟公開西貢複式豪宅內貌 揸Benz出入令網友驚訝：絕對是富豪【下一頁】

中學畢業後，李國麟曾想過投考警察，「啱啱畢業，想搵理想職業，我嗲哋係做警察，我梗係想做警察啦，但佢唔同意，因為以當時警隊嘅環境，佢覺得我唔係好適合，佢會覺得我喺警隊入面會做錯事，好危險。」鄧英敏馬上追問會做甚麼錯事？李國麟說：「首先要接受當時警隊嘅文化，即係會收錢（收賂）......年青人唔知邊啲係陷阱，我嗲哋都話一做警察，半隻腳就入咗監房，因為知法犯法，但我嗲哋正直，咪冇事囉！」李國麟指父親是一個住家男人，收工就會馬上回家，沒半點吃喝玩樂的消遣；至於父親是否廉潔，他坦言不敢去批判，但就表示父親絕對是一個嚴父。

到底李爸爸是個怎樣的嚴父？李國麟指自己19歲考入藝員訓練班，在實習期間，才獲父親的准許去夜街，他說：「實習試戲嗰陣，一開廠就會好夜收工，咪焗住畀我夜返，因為我嗲哋好反對自己嘅細路係街童，我只可以喺（警察）宿舍望住街邊，冇得出去玩。我28歲先第一次搭飛機，當時去台灣拍電影，真係好大鄉里，心諗『死啦，會唔會今次咁唔好彩一坐就墮機呢？』真係驚。」

舊日的足跡丨李國麟親解被批「劣質帶貨藝人」 愛錫女兒：萬一嫁唔好都有父愛【下一頁】

{{hket:inline-image name="af0f26f7gw1f4a4mtw8dej20ci0hz0uf.jpg"}}{{/hket:inline-image}}

回憶當年參與《歡樂今宵》，李國麟自嘲沒半點信心，驚到震，「我喺呢度震，阿拉斯加都感覺到，尤其係直播，我最驚係坐喺度，佢哋有一張板咭，現場賣廣告，跟住嗰『多嘴街』，個個行來行去，你一句我一句，嗰啲我又死得，有次叫我數白欖，我真係散晒，直到我接觸藝進同學會嘅舞台劇《皮草店的春光》，冇得NG，一出台就靠自己，我又捱到，但自問表現唔好，但起碼嗰幾個鐘自己控制到，開始確立咗自信，好玩又學到嘢。」

{{hket:inline-image name="af0f26f7gy1fuahp0vr0wj20u01hc15y.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】