張繼聰一日之內兩次壞車唱歌自嘲 遭圈中人瘋狂恥笑：拖車儲印花？

張繼聰與大部分男人一樣視車如命，日前在IG自爆瘀事，指打算揸車去觀看兒子的足球比賽，不料不慎扭斷車匙，無法駕駛，未能準時出發欣賞兒子的球賽。不過低處未算低，相隔不到12小時，凌晨時分他再上載一條片段，無奈表示再要Call拖車服務，因為駕駛的電單車也同樣壞掉。原本一身有型打扮穿上黑皮褸的他都頓覺唏噓，無奈地在街頭扮劉德華的唱腔高歌，完美演繹一次「絕望的笑容」。

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

{{hket:inline-image name="03.jpg"}}{{/hket:inline-image}}

{{hket:inline-image name="01.jpg"}}{{/hket:inline-image}}

{{hket:inline-image name="080.jpg"}}{{/hket:inline-image}}

他在圈中出名愛玩古董車，惟間中都發生要Call拖車，中途企在路上呆等的情況。昨日（1日）他則坐在車廂內拍片表示：「你睇吓，坐喺自己架古董車入面，係咪好chill呢？玩古董車最好玩係咩？係玩突發同意想不到。今日有精彩節目喇，我整斷咗條車匙，架車開唔番。」還揚言玩古董車，便要有心理準備，隨時有需要拖車的覺悟，更謂怕「樣衰」，所以躱在車廂內免被取笑。

{{hket:inline-image name="05.jpg"}}{{/hket:inline-image}}

{{hket:inline-image name="0100.jpg"}}{{/hket:inline-image}}

{{hket:inline-image name="louischeung2013_309659834_167311409222757_3405590862110371012_n.jpg"}}{{/hket:inline-image}}

{{hket:inline-image name="666.jpg"}}{{/hket:inline-image}}

{{hket:inline-image name="555.jpg"}}{{/hket:inline-image}}

當時有很多人幫忙，他表示人間有愛：「有人借WD 40畀我，有人借鐵鉗畀我，有人企喺度陪我諗辦法，我嘅好朋友喺電話度幫我call拖車，我先至冇喺條街行喊出嚟，多謝咁多位街坊，我會繼續堅強咁行人生餘下嘅路。」言猶在耳，他的信心再度被打破。張繼聰凌晨時分再出Post，原本騎電單車外出兜風的他，再遇壞車事件，大為掃興再拍片說：「我諗大家都睇過上一條片，關於四個碌拖車嘅事，我諗隔咗差不多十二個鐘後，又遇到同樣事情，不過今次係拖兩個碌。」他還在限時動態上寫著：「我一定要努力工作，因為拖車都好貴。」隨後，他再貼出晚上與老友們遊車河的相片，繼續展示自己有多愛這輛古董電單車：「車車，你已經差唔多七十歲，偶爾需要喺條街跪低，休息吓係好合理，我自己番（返）屋企先，ok 㗎!班友唔識嘢，笑我，佢哋只係冇試過…一起奔馳，果（嗰）種浪漫。I love u，無怨無悔。」

識睇一定睇留言，上一個帖文，已經有很多留言，網民同情之餘又夾著恥笑成分。張繼聰再度發生拖車事件，朋友們都衝出來落井下石，當中太太謝安琪就出大大力一腳，先踢爆該片是白只為老公拍攝，還寫道：「唔...咁我係咪要買架拖車？」張繼聰乘機爭取機會，還留言：「咁又唔使，買多幾架咪唔怕冇得揸囉!」之不過老婆再揶揄他較鍾意跟拖車師傅約會。而老友大隻佬張文傑寫道，「本身諗住跟你一齊玩車，而家不了」，謝安琪回覆順便拉攏對方：「參加番茶道班呢邊喇！」而商台DJ朱薰則笑謂：「拖車公司有冇印花儲？」留言大把花生友不斷講笑，花生殼滿地。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連