谷德昭童星入行撞樣《愛回家》技安 自認有演員天份：入行接近半世紀

谷德昭在大學畢業後跟隨導演高志森參與編劇等幕後工作，集導演、編劇、演員身分於一身。早前有網友發現他原來當過童星，細細個經已入行，拍過麗的劇集《三兄弟》。

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

谷德昭出現於1970年代麗的劇集《三兄弟》中，網民紛紛send截圖去IG問當事人。57歲的谷德昭出IG post，承認相中的小朋友確是本人，「係我係我，的確係我！我係童星茄哩啡，入行轉眼接近半世紀，唔係剩係得張繼聰係童星出身。」又指自己對當日所作所為完全冇記憶，「睇到聽到幾十年前嘅自己感覺都幾過制。」

{{hket:inline-image name="317551175_1336230890287237_3178692757132386540_n.jpg"}}{{/hket:inline-image}}

谷德昭笑言當年自己無可否認係有啲天份，「又識記走位又識記對白又剩，點解嗰陣會識嘅呢？又唔怕醜 #頑皮的童年 #人生如戲 #轉眼已到今天」。

不少網友都有留言，驚訝谷德昭原來是童星，讚他細個好可愛，「谷導小時候好cute」、「側面果張完全睇到你嘅神韻同今日一樣」、「你細個好可愛」。更有人指他撞樣飾演《愛·回家之開心速遞》「技安」小演員黃厚仁。而同樣是童星出身的張繼聰就直言：「都話你係前輩㗎喇！」谷德昭回應：「今次斷正！」

亦有網友問他，是不是家姐帶他去做童星？谷德昭的家姐谷薇麗比他年長11歲，當年從事電影製片的她在1976年加入麗的，因此說是家姐帶他入行做童星也合情合理。

愛回家丨技蘭Philip勁愛炎明熹學追星 12歲黃厚仁超可愛冧暈蔣家旻【下一頁】

撰文：娛樂組