方力申為保命與電單車絕緣：師傅話會有生命危險 自爆被批算三年後結婚

全港最大型的單車慈善籌款活動《博愛單車百萬行 2023》將於4月16日假昂船洲大橋舉行，為全港最大的安老院舍「博愛屯門藍地長者護理及護養安老院舍」薵募經費。昨日「活動愛心之星」黃金寶及方力申、前花式溜冰運動員馬曉睛及前單車運動員馬詠茹等為活動揭開序幕。

同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力

{{hket:ul-video id="7639"}}{{/hket:ul-video}}

{{hket:inline-image name="DSC_0676.JPG"}}{{/hket:inline-image}}

{{hket:inline-image name="DSC_0553.JPG"}}{{/hket:inline-image}}

小方表示四月會落場參與單車慈善百萬行，他自爆參加原因，原來有師傅批算他今年不適宜駕駛電單車，他說：「一直以來我都有一班車友好似森美、張繼聰、張振朗同白只，會約埋一齊揸電單車，但師傅就話我今年絕對不適宜揸電單車，否則會有生命危險，依家踩單車都可以感受疾風駕車嘅滋味。」他笑言一年很快過，應該不會太難捱。

{{hket:inline-image name="DSC_0695.JPG"}}{{/hket:inline-image}}

問到師傅有否批算姻緣？小方笑言：「慢慢啦，師傅就話呢兩、三年會有，同埋可以埋單嘅，否則就要再等下，不過疫情過後其實朋友聚會都多咗，都有朋友話介紹女仔畀我識。」小方笑言父母早已放棄了他，沒有向他催婚。他又承認有出席朋友安排的「相睇」飯局，「都係幾個朋友一齊吃飯，當結識新朋友。」

{{hket:inline-image name="DSC_0479.JPG"}}{{/hket:inline-image}}

此外，近日的話題性電影《給十九歲的我》片中的其中一個女主角馬燕茹，其胞姐、前香港單車代表馬詠茹昨日亦有出席活動。對電影的爭議，她禮貌地婉拒回應：「今日(昨日)主要想專注返單車百萬行嘅事，其他嘅話題我唔作評論。」

採訪：黃寶蓮