口罩令取消丨鄭秀文首映拒除口罩原來有苦衷 食零食咬崩牙出事：隻貓都笑我

口罩令明天起取消，藝人出席公開活動時終於可以用靚樣示人。口罩令取消之前，鄭秀文（Sammi）竟然「出事」？她昨晚出席《流水落花》首映禮，無論是拍個人照還是跟陸駿光、談善言等合照時，都堅拒除下口罩，到底發生過甚麼事？原來Sammi崩牙！

同場加映：新四十二章丨「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

流水落花︳鄭秀文人生感圓滿唔恨被嗌媽媽 陸駿光體會做天后老公有壓力【下一頁】

{{hket:inline-image name="0469cfce-2bf3-4b04-a873-19e841caf24a.jpg"}}{{/hket:inline-image}}

Sammi接受訪問時尷尷尬尬，說：「我就係食嘢咬崩咗隻牙囉！崩得幾厲害，我食啲好硬嘅嘢...（幾時發生？）都係噚晚（26/2）發生㗎嘞，因為牙醫要過兩日先有時間應診，所以今日被迫戴上口罩，（咬崩門牙？）唔想講喇！有啲肉緊嘅，食零食得開心完咪悲傷囉，以後我都係食Baby Food算啦，（有冇擔心講嘢會漏風？）漏風都唔緊要，係醜樣！而家要搵遮醜布遮住。」笑言老公許志安目睹了一切，安仔可有取笑她？Sammi笑言：「隻貓都笑我啦！」

黃心穎親填全英文歌詞自嘲吐心聲 鄭秀文大方回應：應有機會去開始【下一頁】

《流水落花》令Sammi再次獲提名金像獎「最佳女主角」殊榮，她表示對影片的票房沒有多大信心，縱使近期多齣電影的票房成績都相當優秀。她對自己演出的評價反而有期望，希望能夠吸引更多觀眾入戲院欣賞。至於男主角陸駿光稱，太太當晚飛往外地，未能出席首映禮，他會等太太回港後拍拖睇戲，同時表示當晚自己睇第二次，朋友之前都有包場睇戲，對他十分支持，就連中學同學都說一定會捧場，令他相當開心。

{{hket:inline-image name="d9743c7c-d83c-4b85-9499-b3b3de13278c.jpg"}}{{/hket:inline-image}}

而談善言之前拍攝ViuTV劇集《打天下2》一場跳躍動作戲使靭帶受傷，昨晚已經不需要借助拐杖走動，阿談表示傷患未完全康復，還需要時間慢慢調理，現階段大動作未能做，因此拍劇暫時只能拍文戲，動作戲要押後，她說：「如果真係拍唔到，惟有用替身，之前大隊去日本拍外景，原本我都有份一齊去，但腳傷去唔到，有啲關係日本嘅劇情要作出少少改動。」她苦笑說未能去日本的確有點不開心。

{{hket:inline-image name="a3908c2c-e178-4168-8d85-9d859251d638.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉