李璨琛太太報喜第二胎出世 Lucy興奮同餅印妹妹傾偈兼錫錫

李璨琛同梁志瑩結婚近10年，2018年誕下女兒李元元（Lucy），媽媽為Lucy開咗一個IG，因為女兒實在太可愛，加埋媽媽嘅生鬼Caption，而家已經有高達38萬粉絲追隨！Lucy肥嘟嘟又鍾意忘我地跳舞，不少廣告商都睇中搵佢拍廣告。Lucy鍾意學BLACKPINK跳舞同勁冧MC張天賦，媽媽錫到佢燶，會同Lucy睇演唱會開心跳舞。去年9月梁志瑩宣布再懷孕，事隔5個月，妹妹終於出世，Lucy榮升家姐仔，恭喜恭喜！

同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力

{{hket:ul-video id="7639"}}{{/hket:ul-video}}

李璨琛老婆公布第二胎性別 大頭豬鼻面珠墩激似家姐仔Lucy【下一頁】

{{hket:inline-image name="332794930_176171755125819_7936368850772528876_n.jpg"}}{{/hket:inline-image}}

梁志瑩前晚在社交平台分享一張自拍照，孕肚都不算大的她透露「卸貨在即」，沒想到事隔一日，梁志瑩已經公布好消息，她留言說：「大家好！妹妹Sucy終於都出咗世喇！家姐仔lucy超超超肉緊呀 #妹妹個頭圓到好似粒牛丸」。的確，如梁志瑩所形容，Lucy同妹妹Sucy一樣頭圓圓兼眼仔碌碌，非常可愛，兩姊妹合照有如「餅印」一樣。媽媽分享Sucy出世後一家三口的照片，睇到由李璨琛抱實的Sucy相當有分量，果然有家姐的風範！

Lucy跟妹妹Sucy興奮合照，笑得勁開心，在影片中見到Lucy非常肉緊，不時輕輕撫摸妹妹的身體，相當溫柔，跟平時豪邁高歌的風格不一樣。片中，Lucy驕傲說：「我個妹妹！（你係李家姐吖嘛，你估你個頭圓啲定妹妹個頭圓啲？）佢圓啲，好圓呀佢！我有頭髮所以唔圓囉，因為我有少少長頭髮！」Lucy不斷望實Sucy嗌「妹妹」，甜蜜溫馨，仲忍不住隔空飛吻錫錫妹妹，身旁的媽媽望住都忍不住笑。

李璨琛老婆曬第二胎4D超聲波相 清晰可見豬膽鼻激似家姐李元元【下一頁】

不少好友紛紛留言恭賀李氏一家，包括蔡卓妍、Coffee林芊妤、倪晨曦、陳山聰、陳敏之、孫慧雪、陳柏宇太太符曉薇、吳日言、馬天佑等，網民洗版式留言，「好期待兩姊妹一齊玩」、「睇得出Lucy眼神好錫細妹Sucy」、「期待Lucy同Sucy一齊跳BLACKPINK舞」等等。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉