李璨琛老婆公布第二胎性別 大頭豬鼻面珠墩激似家姐仔Lucy

李璨琛太太梁志瑩（Sophia）去年9月尾喺社交平台大大聲話懷有第二胎，Sophia不時update一下自己嘅懷孕狀況，而就BB嘅性別佢一直「賣關子」，今日Sophia終於公布性別，唔少網民都話知道之後更加期待BB出世呀！

同場加映： 新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

點解會異常咁多人關注李璨琛第二個小朋友嘅出世？事關佢嘅大女李元元（Lucy）可愛到成為近年最高人氣嘅星二代網紅，廣告數量分分鐘多過爸爸，大受歡迎。Sophia為女兒開設IG戶口，分享囡囡成長照片和影片，加上超搞笑有趣的文字描述，狂吸粉絲超過38萬，所以Sophia再佗B好可能都係咁可愛嘅「Lucy二世」時，網民都好為佢高興。

{{hket:inline-image name="316.jpg"}}{{/hket:inline-image}}

Sophia今日又再曬佢嘅小小孕肚，留言：「隱藏的肚子裏面，住了一枚差不多六磅半、頭圍繼續大兩周、有豬鼻、有豬墩、有有情有義嘅厚唇的lucy2.0!」佢許願順產，順順利利，並宣布：「李阿妹呀各位！」Sophia話雖然肚細，但佗嘅其實係B女（民間傳說肚細肚圓係佗仔），又笑細女樣好懵。

唔少網民知道之後大表興奮，留言：「可以（同家姐）一齊著住公主裙追MC啦！諗起都興奮！要健健康康呀李阿妹」、「成個Lucy餅印」、「元元你返咗入媽媽個肚」、「可以同家姐一齊跳BLACKPINK」。

撰文：娛樂組

圖片來源：Instagram