壽司郎第20間分店進駐Mikik 堂食送限量Tote Bag

香港壽司郎自2019年起進軍香港後，分店愈開愈多，黛安收到風，集團旗下第20間分店今日（24日）會喺新蒲崗Mikik開幕。新店鄰近啟德發展區及新蒲崗工商區，地點好方便，佔地逾6,000呎，設過百個座位，更特設逾600呎特大等候區，店內仲有獨家限定嘅壽司造型椅，好得意㗎，食壽司之餘仲可以打卡留念。

公關姊妹話，為慶祝新蒲崗Mikiki店開幕，惠顧堂食嘅顧客可免費獲贈限量「萌抱壽司精美Tote Bag」乙個，上面印有唔同款式嘅壽司圖案，最適合各位鍾意食壽司嘅fans。

另外，仲會推出期間限定極上大吞拿魚腩壽司，僅在開幕期間限定發售，只售$12，真係好抵食啊！極上大吞拿魚腩肉質幼嫩肥美，滿滿嘅油脂甘香，一眾壽司郎粉絲絕對不容錯過。